ჟურნალისტი თაკო მელიქიშვილი, რომელიც ბოლო პერიოდში ასტროლოგიით აქტიურად დაინტერესდა და შესაბამისი განათლებაც მიიღო, სოციალურ ქსელში ასტროლოგიურ თემებზე პოსტებსა და ვიდეოებს პერიოდულად უზიარებს საზოგადოებას.
ამჯერად მელიქიშვილი მორიგ პოსტს აქვეყნებს, სადაც 5 ნოემბრის ასტროლოგიურ პროგნოზს გვაცნობს:
„ჰოროსკოპი — 5 ნოემბერი 2025
მთვარის დღე: 15 / 16
მთვარის ფაზა: სავსე მთვარე კუროში
დღეს ემოციები პიკს აღწევს — ყველაფერი იგრძნობა უფრო ღრმად და ინტენსიურად.
სავსე მთვარე დაგეხმარება გააცნობიერო, რა გჭირდება სინამდვილეში და რისი დრო უკვე გავიდა.
ეცადე იმოქმედო გულით, მაგრამ შეინარჩუნო შინაგანი ბალანსი
ვერძი
შენი იუმორი დღეს შეიძლება სხვამ არასწორად გაიგოს, ამიტომ იყავი ფრთხილი სიტყვებში. ნუ იჩქარებ გადაწყვეტილებების მიღებას, სანამ ყველა რისკს არ გადაამოწმებ. მოერიდე დაპირისპირებებს — შესაძლებელია, მოხვდე არასასიამოვნო სიტუაციაში.
კურო
დღე აქტიური და შედეგიანი იქნება. გელოდება მრავალი შეხვედრა და საუბარი, რომლებიც მნიშვნელოვან ცვლილებებს მოიტანს. შეინარჩუნე პოზიტიური განწყობა — შედეგები დაგაკმაყოფილებს. საღამოს შესაძლოა, ახლობელთან საუბარმა გაგაღიზიანოს.
ტყუპები
შეიძლება გაგიჭირდეს გადაწყვეტილების მიღება ან არჩევანის გაკეთება. ნუ გაამძაფრებ სიტუაციას და ნუ განიხილავ ყველაფერს როგორც დრამას. სირთულეებისას მიმართე რჩევისთვის ახლობელ ადამიანს — ეს დაგეხმარება სწორ ხედვაში.
კირჩხიბი
დღე ხელსაყრელია მიზნების მისაღწევად და იმ სამუშაოს დასასრულებლად, რაც ადრე გიჭირდა. იმუშავე მშვიდად, დამოუკიდებლად და არ ჩაება უთანხმოებებში. შენი ოცნებები ახლოსაა რეალობასთან — დღეს შეგიძლია ბევრი რამ მოიპოვო.
ლომი
ნუ ჩაახშობ ემოციებს — სჯობს გულწრფელად თქვა, რაც გაწუხებს ან გაღიზიანებს. თუ დღეს იმოქმედებ თავდაჯერებით, შეძლებ რთული საქმეების დასრულებასაც. გახსნილობამ შეიძლება, ძალიან კარგი შედეგები მოიტანოს.
ქალწული
შენი დიპლომატიურობა დღეს განსაკუთრებით გამოკვეთილია — შეგიძლია, ნებისმიერი საუბარი შენს სასარგებლოდ წარმართო. გამოიყენე ეს დრო მნიშვნელოვანი გადაწყვეტილებების მისაღებად. საღამო დაუთმე დასვენებასა და გართობას — ასე აღიდგენ ენერგიას.
სასწორი
წარმატებული დღეა ახალი გეგმებისა და წამოწყებებისთვის. თუმცა ოფიციალური შეხვედრები და მოლაპარაკებები სჯობს გადადო — სიტყვების შერჩევა შეიძლება გაგიძნელდეს. შენი პარტნიორის ან ახლობლისთვის მცირე სიურპრიზი გააკეთე — ეს ურთიერთობას გაამყარებს.
მორიელი
შენი ენერგია დღეს განსაკუთრებით ძლიერია. შენ შეგიძლია დაძლიო ნებისმიერი დაბრკოლება და მიაღწიო მიზანს, თუ არ დანებდები პირველივე სირთულეზე. შენი შრომა აუცილებლად დაფასდება, ხოლო საღამო გაატარე ოჯახის წრეში — ეს დაგამშვიდებს.
მშვილდოსანი
ეს დღე შესაფერისია შერიგებისთვის და ძველი ურთიერთობების აღსადგენად. გახსნილი საუბარი დაგეხმარება ყველა გაუგებრობის მოგვარებაში. თუ რამე გაწუხებს, გულწრფელად ისაუბრე — სიმართლე ახლა განკურნების ძალას ატარებს.
თხის რქა
თუ საქმიანი საუბარი რთულად მიდის, სცადე შეცვალო ტონი — იუმორი და სიმპათია დაგეხმარება საერთო ენის პოვნაში. დღეს რისკის აღება გამართლებულია — შეგიძლია მიაღწიო იმას, რაც ადრე შეუძლებლად გეჩვენებოდა.
მერწყული
შეიძლება გაჩნდეს უთანხმოება ახლობელთან, ამიტომ ფრთხილად იყავი ემოციებთან. სამაგიეროდ, უცხო ადამიანებთან ან კოლეგებთან მარტივად იპოვი ურთიერთგაგებას. შენი სიტყვები ძლიერი იარაღია — გამოიყენე სიფრთხილით, რათა შემთხვევით არ გაანაწყენო ვინმე.
თევზები
დღე შესაფერისია რთული საქმეების მოსაგვარებლად და გულწრფელი საუბრისთვის. ნუ დამალავ ემოციებს —გულიდან ნათქვამი სიტყვა გაგათავისუფლებს. თუ რამე გაწუხებს, გაუზიარე მეგობარს — ის გაგიგებს და მხარს დაგიჭერს.
დღის გზავნილი:
სავსე მთვარე კუროში გიწვევს სიმშვიდისკენ და მადლიერებისკენ. გაათავისუფლე გული ზედმეტი ემოციებისგან და იფიქრე მხოლოდ იმაზე, რაც ბედნიერებას გძენს. დაე, ეს დღე იყოს ჰარმონიული, ნაზი და წარმატებული შენთვის“,- წერს თაკო მელიქიშვილი.
⭕ აგრეთვე დაგაინტერესებთ:
⭕„არ გადადის ხანმოკლე კონტაქტით...“ - მაია ბუწაშვილი მუნთან დაკავშირებით მიმართვას ავრცელებს
⭕„გული მეგლიჯება რომ მახსენდებით...“ - სალომე ბაკურაძე მეუღლეს ემშვიდობება
