აშშ- ში ჩატარებულმა გამოკითხვამ აჩვენა, რომ საზოგადოების 73% შეშფოთებულია, რომ ხელოვნური ინტელექტი (AI) მომავალში შეიძლება საფრთხეს უქმნიდეს კაცობრიობის არსებობას.
კვინიპიაკის უნივერსიტეტის გამოკითხვაში 1202 მონაწილეს ჰკითხეს ხელოვნურ ინტელექტთან დაკავშირებით მათი შეხედულებების შესახებ.
მონაწილეთა 38%-მა განაცხადა, რომ ისინი „ძალიან შეშფოთებულები“ იყვნენ ხელოვნური ინტელექტის მიერ კაცობრიობისთვის შექმნილი პოტენციური საფრთხის გამო, ხოლო 35%-მა თქვა, რომ „გარკვეულწილად შეშფოთებულები“ იყვნენ.
25%-მა არ გამოთქვა შეშფოთება, ხოლო მონაწილეთა 74%-მა განაცხადა, რომ არ ენდობოდნენ ხელოვნური ინტელექტის კომპანიების ხელმძღვანელებს.
საყურადღებოა, რომ ეს მონაცემები არ ნიშნავს, თითქოს ამერიკელების 73%-ს თავად AI-ის გამოყენების ეშინია. კვლევაში საუბარია მომავალში მისი შესაძლო გავლენით კაცობრიობის არსებობაზე გამოწვეულ შეშფოთებაზე.
სხვა კვლევებიც აჩვენებს, რომ ამერიკელები ხელოვნური ინტელექტის მიმართ ფრთხილ დამოკიდებულებას ინარჩუნებენ. Pew Research Center-ის 2026 წლის მარტის მიმოხილვის თანახმად, აშშ-ის ზრდასრულთა ნახევარი ამბობს, რომ AI-ის ყოველდღიურ ცხოვრებაში გავრცელება მათში უფრო მეტ შეშფოთებას იწვევს, ვიდრე აღფრთოვანებას.
