შეერთებული შტატების მოქალაქეობისა და იმიგრაციის სამსახურის (USCIS) ხელმძღვანელმა ჯოზეფ ედლოუმ განაცხადა, რომ პრეზიდენტმა დონალდ ტრამპმა მის უწყებას დაავალა, ჩაატაროს „სრულმასშტაბიანი და საფუძვლიანი ხელახალი შემოწმება ყოველი გრინ-ქარდის, ყოველი უცხოელისა, ყოველი შემაშფოთებელი ქვეყნიდან“.
კითხვაზე, თუ რომელი ქვეყნები იგულისხმება, ედლოუმ მიუთითა ტრამპის 2025 წლის ივნისის განკარგულებაზე, რომლითაც აშშ-ში შესვლა 12 ქვეყნის (ავღანეთი, ჰაიტი, ირანი, ლიბია, იემენი, სომალი, სუდანი და სხვა) მოქალაქეებისთვის აიკრძალა და შეზღუდვები დაუწესდა კიდევ 7 ქვეყნის (მათ შორის ტოგო, თურქმენეთი, კუბა, ვენესუელა) მოქალაქეებს.
სხვა დეტალები ედლოუს არ გაუზიარებია.
ეს განცხადება ედლოუმ თეთრ სახლთან მომხდარი სროლიდან ორი დღის შემდეგ გააკეთა, რომლის შედეგადაც აშშ-ის ეროვნული გვარდიის ორი მოსამსახურე დაიჭრა. მოგვიანებით ერთ-ერთი დაიღუპა. სროლაში ეჭვმიტანილი 29 წლის ავღანელი მიგრანტი რაჰმანულა ლაკანვალია.
დონალდ ტრამპმა სოციალურ ქსელ Truth Social-ში დაწერა, რომ „სამუდამოდ შეაჩერებს მიგრაციას ყველა მესამე სამყაროს ქვეყნიდან“ და პირობა დადო, რომ გააძევებს „ყველას“, ვინც ქვეყანას სარგებელს არ მოუტანს.
⭕ ასევე დაგაინტერესებთ:
⭕როგორი ამინდია მოსალოდნელი 28 ნოემბერს საქართველოში - პროგნოზი ქალაქების მიხედვით
⭕„არ არის სასურველი ფულის ვალად გაცემა ან ბანკში შეტანა!“ - დღის მეტაფიზიკური პროგნოზი
