ავსტრიის სიდიდით მეორე ქალაქში, გრაცში, საშუალო სკოლაში სროლის შედეგად ათი ადამიანი, მათ შორის სავარაუდო დამნაშავეც, დაიღუპა.
მომხდარის შედეგად რამდენიმე ადამიანი დაშავდა, ადგილობრივი მედიის ცნობით, 30-მდე ადამიანს სამედიცინო დახმარება სჭირდება, ზოგიერთი მათგანის მდგომარეობა მძიმეა.
ავსტრიის კანცლერმა კრისტიან შტოკერმა მომხდარს - ეროვნულ ტრაგედია უწოდა.
„არ არსებობს სიტყვები იმ ტკივილისა და მწუხარების გამოსახატავად, რომელსაც ახლა ავსტრიაში ყველა განვიცდით“, - აღნიშნა მან მედიასთან.
ადგილობრივმა პოლიციამ დაადასტურა, რომ შემთხვევის ადგილი ახლა დაცულია და საზოგადოებისთვის საფრთხე აღარ არსებობს, რაც ადასტურებს, რომ ეჭვმიტანილიც გარდაცვლილია - როგორც ვრცელდება ცნობები, მან სკოლის საპირფარეშოში სიცოცხლე თვითმკვლელობით დაასრულა.
⭕ ასევე დაგაინტერესებთ:
⭕როგორი ამინდია მოსალოდნელი დღეს საქართველოში - პროგნოზი ქალაქების მიხედვით
