ლუვრის მუზეუმის საბჭოს გადაწყვეტილებით, პარიზის მუზეუმის ბილეთების ფასი, ვიზიტორების ნაწილისთვის, რომლებიც ევროკავშირის არაწევრი ქვეყნებიდან არიან, 45%-ით გაიზრდება. ინფორმაციას BBC ავრცელებს.
მომავალი წლის დასაწყისიდან, ისეთი ქვეყნებიდან ჩამოსული ტურისტებისთვის, როგორიცაა აშშ, დიდი ბრიტანეთი და ჩინეთი, მუზეუმში შესასვლელად 32 ევროს (37 აშშ დოლარი; 28 ფუნტი) გადახდა მოუწევთ. მოსალოდნელია, რომ ფასების ეს ზრდა ყოველწლიურად მილიონობით ევროს მოიზიდავს ცნობილი გალერეის მასშტაბური რემონტის დასაფინანსებლად.
მუზეუმის უსაფრთხოება და მენეჯმენტი ოქტომბერში მომხდარი ძარცვის შემდეგ გააკრიტიკეს, რომლის დროსაც ოთხ კაციანმა დაჯგუფებამ 102 მილიონი დოლარის (76 მილიონი ფუნტი) ღირებულების სამკაულები მოიპარა და რამდენიმე წუთში გაუჩინარდა.
მუზეუმის ოფიციალურმა აუდიტმა, რომელიც ძარცვის შემდეგ მალევე გამოქვეყნდა, უსაფრთხოების სისტემების არასაკმარისი რაოდენობა, მათი გაუმართაობა და მოძველებული ინფრასტრუქტურა აღმოაჩინა.
⭕ ასევე დაგაინტერესებთ:
🎥 როგორ ამოვიცნოთ პნევმონია? - ივანე ჩხაიძის რეკომენდაციები
⭕28 ნოემბერს დაბადებულები – ზოდიაქო, დახასიათება, რჩევები
⭕რატომ მოიკლა თავი იუდამ და რატომ ვერ უძლებს ადამიანი ამპარტავნებას? - გურამ ოთხოზორიას განმარტება
წყარო: rustavi2.ge
