„ძალიან კარგია, რომ მოსახლეობა ფხიზლად არის და ხვდება, რომ ხაზარაძისთვის და გახარიასთვის მიცემული ხმა იგივეა, რაც „ნაციონალურ მოძრაობას“ მისცენ ხმა“, - ამის შესახებ ფრაქცია „ქართული ოცნების“ თავმჯდომარის მოადგილემ ლევან მაჭავარიანმა „გორბის“ კვლევის შედეგებზე საუბრისას განაცხადა.
დეპუტატის თქმით, ხაზარაძის რეიტინგი მერყეობს.
„რადიკალური ოპოზიციის ის 4 პარტია, დაჯგუფება, რომელიც არიას „ერთიან ნაციონალურ მოძრაობას“ წარმოადგენს. ბატონი ხაზარაძის რეიტინგი მერყეობს. ხან 5%-ს ჩამოსცდებოდა, ხან ასცდებოდა და ძალიან კარგია, რომ მოსახლეობა ფხიზლად არის და ხვდება, რომ მისთვის მიცემული ხმა იგივეა, რაც „ნაციონალურ მოძრაობას“ მისცენ ხმა. იგივეა ბატონი გახარიას შემთხვევაში, რომელსაც ისედაც ნულოვანი შანსი ჰქონდა ამ ბარიერის გადაკვეთის“, - აცხადებს მაჭავარიანი.
⭕ აგრეთვე დაგაინტერესებთ:
