თბილისის აეროპორტში არადეკლარირებული საქონელი აღმოაჩინეს, აღნიშნულის შესახებ ინფორმაციას შემოსავლების სამსახური ავრცელებს.
„ფინანსთა სამინისტროს შემოსავლების სამსახურის მებაჟე ოფიცრებმა, საბაჟო-გამშვებ პუნქტში „თბილისის აეროპორტი“, ეჭვის საფუძველზე საქართველოს მოქალაქის ფიზიკური და კუთვნილი ბარგის დეტალური დათვალიერების შედეგად, არადეკლარირებული საქონელი, კერძოდ: 10 კილოგრამი ბუნებრივი თმის პროდუქცია აღმოაჩინეს, რომელიც რამდენიმე ათეულ შეკვრად, ცალ-ცალკე იყო აცმული.
არადეკლარირებული საქონლის საბაჟო ღირებულებამ 24344,98 ლარი შეადგინა“, - ნათქვამია ინფორმაციაში.
შემოსავლების სამსახურის ცნობით, საქმე შემდგომი რეაგირების მიზნით ფინანსთა სამინისტროს საგამოძიებო სამსახურს გადაეცა.
