საქართველოს კათოლიკოს - პატრიარქის, ილია მეორის გადაწყვეტილებით, არქიმანდრიტ ილია თოლორაიას მღვდელმოქმედება აეკრძალა.
ინფორმაციას სოციალურ ქსელში საქართველოს საპატრიარქოს საზოგადოებასთან ურთიერთობის სამსახური ავრცელებს.
როგორც გავრცელებულ განცხადებაშია ნათქვამი, პატრიარქმა შესაბამისი გადაწყვეტილება ეპისკოპოსის სიტყვიერი შეურაცხყოფისა და ეკლესიის იერარქებისადმი ცილისმწამებლური განცხადებებისათვის გამო მიიღო.
„ბრძანება N 95 სრულიად საქართველოს საპატრიარქოსადმი
(05.11.2025)
სამების საპატრიარქო ლავრის მღვდელმსახურს, არქიმანდრიტ ილიას (თოლორაია), ეპისკოპოსის სიტყვიერი შეურაცხყოფისა და ზოგადად ეკლესიის იერარქებისადმი ცილისმწამებლური განცხადებებისათვის, ეპარქიალური კომისიის წარდგინების საფუძველზე, აეკრძალოს მღვდელმოქმედების უფლება, ვიდრე არ გამოავლენს გულწრფელ სინანულს.
ილია II
სრულიად საქართველოს
კათოლიკოს-პატრიარქი“, - ვკითხულობთ გავრცელებულ განცხადებაში.
⭕ აგრეთვე დაგაინტერესებთ:
⭕„კარგია დაიწყოთ გრძელვადიანი პროექტები“ - დღის მეტაფიზიკური პროგნოზი
