„რთული მატჩები გამოვიდა“ - ხვიჩა კვარაცხელია თურქეთთან თამაშის შემდეგ მიმართვას ავრცელებს

1760527114

მსოფლიო ჩემპიონატის საკვალიფიკაციო ეტაპზე საქართველოს ნაკრები თურქეთს დაუპირისპირდა და 4:1 დამარცხდა. მატჩი თურქეთში, კერძოდ იზმითში ჩატარდა.

საქართველოს ნაკრების ფეხბურთელი ხვიჩა კვარაცხელია, რომელიც აღნიშნულ მატჩზე კაპიტნობდა სოციალურ ქსელში მიმართვას ავრცელებს:

„პირველ რიგში მინდა, მადლობა ვუთხრა ამ ორივე გასვლით მატჩზე ჩამოსულ თითოეულ გულშემატკივარს და ყველას, ვინც გვქომაგობდა.

რთული მატჩები გამოვიდა, არასასურველი შედეგებით და სათამაშო ხარისხით. აუცილებელია, ყველა პრობლემა გავაანალიზოთ, დავინახოთ, მივიღოთ და შემდეგ თამაშებში გამოვასწოროთ.

არ არის პირველი, როდესაც დაბრკოლებების წინაშე ვართ, მაგრამ ერთად აუცილებლად უნდა გადავლახოთ და დავბრუნდეთ გამარჯვებების და პროგრესის გზაზე!

#მევარსაქართველო“, - წერს ხვიჩა კვარაცხელია.