10 ნოემბრიდან 22:00 საათიდან „იმედის“ მაყურებლის ყველა თაობისთვის ერთ-ერთი გამორჩეული და საყვარელი მეგაშოუს - „ვინ ვინ არის“ ახალი მეხუთე სეზონი დაიწყო.
გადაცემის პირველი ეპიზოდი უკვე გავიდა ეთერში და დეტექტივების გადაწყვეტილებით გადაცემას გამოეთიშა პუდელი, რომლის ნიღაბიც მორგებული ჰქონდა მომღერალ ნატო გელაშვილს.
გადაცემის წამყვანი მაკა ზამბახიძე სოციალურ ქსელში სტატუსს აქვეყნებს და ნატო გელაშვილის შესახებ წერს:
„ტკბილი თბილი მართალი ყველა დროის წარმატებული და ხალხის საყვარელი სიმღერების კომპოზიტორი, ნატო ძალიან ძალიან მიყვარხარ და მადლობა რომ იყავი ჩვენთან და ამ პროექტის ულამაზესი პუდელი“, - წერს მაკა ზამბახიძე.
ცნობისთვის, გადაცემის წამყვანი კვლავ მაკა ზამბახიძეა, ხოლო დეტექტივები არიან - მანიკა ასათიანი, ანრი ჯოხაძე და ოთარ ტატიშვილი.
მეგაშოუს წინა სეზონებში საზოგადოებისთვის არაერთმა ცნობილმა სახემ მიიღო მონაწილეობა. ყოველ ორშაბათს „იმედის“ ეთერში სრულიად საქართველო ელოდება, გაარკვიოს, ვინ ახერხებს გარდასახვას 10 ახალი თოჯინათი. 8 კვირის განმავლობაში ისინი ეცდებიან, მათი ვინაობა ვერავინ გაიგოს.
⭕ აგრეთვე დაგაინტერესებთ:
🎥 „ასეთი ძლიერი დღე 2025 წელს აღარ განმეორდება!“ - თათია გარანიძე 11 ნოემბრის მნიშვნელობაზე
⭕„კარგი დღეა ჯილდოს მისაღებად, დაწინაურებისა და დახმარებისთვის“ - დღის მეტაფიზიკური პროგნოზი
