ექიმი, ინფექციონისტი, გიორგი კანდელაკი სოციალურ ქსელში სტატუსს აქვეყნებს და ჯანდაცვის მინისტრის განცხადებას ეხმაურება, სადაც ის ამბობს, რომ ვერ ხედავს ქვეყანაში იმის საფუძველს, რომ ვაქცინაცია სავალდებულო გახდეს.
„ბოლო დღეებში ჯანდაცვის მინისტრის განცხადებები ვაქცინაციასთან დაკავშირებით ძალზე მისასალმებელია.
აბსოლუტურად ჯანსაღი ხედვაა დაფიქსირებული, რომ ვაქცინაცია მიმართული უნდა იყოს მიზნობრივ ჯგუფებზე (ასაკოვანები, ქრონიკული თანმხლები დაავადებების მქონენი, იმუნიტეტ-დაქვეითებულნი) და რაც მთავარია არ უნდა იყოს მანდატორული.
სწორედ ეს პრინციპები გავაჟღერეთ ერთი კვირის წინ ჩვენს პოსტებში (დეტალური ანალიზისთვის იხილეთ ჩვენი ფეისბუკპოსტი: „როგორ ვხედავთ ვითარებიდან ოპტიმალურ გამოსავალს“).
კარგია, როდესაც სახელმწიფო უსმენს ხალხს და არ უპირისპირდება მას. ხალხს უნდა შევთავაზოთ არა ძალადობა და საბჭოთა პროპაგანდა, არამედ ნებაყოფლობითი, თარგეთირებული ვაქცინაცია, სრული და დეტალური ინფორმირებული თანხმობის პირობებში. იმედია, რომ ეს განცხადება არის გააზრებული პოლიტიკის ნაწილი და უახლოეს ხანებში შეწყდება ზეწოლა სტუდენტებზე, პედაგოგებზე, სახელმწიფო უწყების მოხელეებზე და მთლიანად ჩვენს საზოგადოებაზე,“- წერს გიორგი კანდელაკი.
აგრეთვე წაიკითხეთ 👇
