ნეპალში 26 აგვისტოს მომხდარი მასშტაბური წყალდიდობისა და მეწყრების შედეგად დაღუპულთა რიცხვმა 1300-ს გადააჭარბა, ხოლო დაახლოებით 5000 ადამიანი კვლავ დაკარგულად ითვლება. სტიქია, რომელიც მყინვარის ჩამოშლამ გამოიწვია, განსაკუთრებით ნეპალისა და ტიბეტის საზღვრის მიმდებარე ტერიტორიებს შეეხო.  8 სექტემბრის Reuters-ის უახლესი მონაცემებით, სამაშველო სამუშაოები კვლავ გრძელდება, განსაკუთრებით ჰიდროელექტროსადგურების გვირაბებში, სადაც შესაძლოა ათობით მუშა იყოს ჩარჩენილი ნეპალში 26 აგვისტოს მომხდარი დამანგრეველი წყალდიდობის მსხვერპლთა პატივსაცემად 7 აგვისტო გლოვის დღედ გამოცხადდა. სამთავრობო შენობებზე დროშები დაუშვეს, ხოლო დაღუპულთა ოჯახები ხსოვნისადმი მიძღვნილი პანაშვიდები გამართეს.

Netflix-ზე ამერიკელი მსახიობის, მეთიუ პერის ცხოვრების შესახებ დოკუმენტური სერიალი გამოვა. პროექტის „მეთიუ პერის ისტორია“ რეჟისორი მერი რობერტსონია. სურათი სამი ნაწილისგან შედგება. სერიალს კომპანია Maxine Productions-ი გადაიღებს, რომელიც Sony Pictures Television-ის ნაწილია. „ეს არის პირველი დეტალური დოკუმენტური ფილმი სერიალ «მეგობრების» საყვარელი ვარსკვლავის შესახებ, რომელსაც ის ადამიანები ყვებიან, ვინც მას ყველაზე კარგად იცნობდა“, - იუწყება სტრიმინგ სერვისი.

ყაბარდო-ბალყარეთის ბეზენგის ხეობაში ზვავი ჩამოწვა, რომლის ქვეშ ალპინისტთა ჯგუფი მოჰყვა. ამ დროისთვის ცნობილია 11 ალპინისტის დაღუპვის შესახებ. კიდე 6 ალპინისტი უგზო-უკვლოდ დაკარგულად ითვლება. ინფორმაციას Deutche Welle ავრცელებს.

ვიეტნამში, ქალაქ ნაჩანგში, სილამაზის რიგით 73-ე საერთაშორისო კონკურსის - „მის მსოფლიო 2026“-ის ფინალი გაიმართა. 110 ქვეყნის წარმომადგენელს შორის გამარჯვება და ნანატრი „ლურჯი გვირგვინი“ დომინიკის რესპუბლიკის წარმომადგენელმა, ჯოჰეირი მოლა დომინგესმა მოიპოვა.

კაბო-ვერდეს კუნძულ ფოგოზე ავტოსაგზაო შემთხვევა მოხდა, რის შედეგადაც 25 ადამიანი დაიღუპა. დაღუპულებს შორის არიან სკოლის მოსწავლეები. როგორც „როიტერი“ იტყობინება, შემთხვევა ღამით მოხდა, რა დროსაც ავტობუსი გზიდან გადავიდა და ხევში დაახლოებით, 30 მეტრის სიმაღლიდან გადავარდა.

დღეს, 5 სექტემბერს, მუსიკალური სამყარო ყველა დროის ერთ-ერთი უდიდესი ვოკალისტისა და შოუმენის, ჯგუფ Queen-ის ფრონტმენის, ფრედი მერკურის დაბადების დღეს აღნიშნავს.

აშშ-ის პრეზიდენტმა დონალდ ტრამპმა თავის სოციალურ ქსელში დაწერა, რომ ფეხბურთში მსოფლიო ჩემპიონატმა, რომელიც ამერიკაში, მექსიკასა და კანადაში 11-19 ივლისს ჩატარდა, ამერიკას 18 მილიარდი დოლარის ოდენობის შემოსავალი მოუტანა.

ნეპალში მომხდარი კატასტროფის ერთ-ერთ სიმბოლოდ მწვანედ შეღებილი სახლი იქცა, რომელმაც ნამდვილ წარღვნას გაუძლო. სოციალურ ქსელებში გავრცელებულ კადრებში ჩანს, როგორ მიაქვს უზარმაზარ ნიაღვარს წაღებული შენობები, ხეები და ხიდები, აბობოქრებული ტალახის მორევში კი ამ სახლის ზედა სართულის აივანზე რამდენიმე ადამიანი დგას და სასწაულის მოლოდინშია.

„გამბიიდან კანარის კუნძულებისკენ მიმავალი ნავის ჩაძირვის შედეგად დაღუპულ მიგრანტთა რიცხვი 80-მდე გაიზარდა“, - ამის შესახებ Sky news-ი იუწყება.