„ევროკავშირში გაწევრიანებისკენ ჩვენი გზა სტაბილური და შეუქცევადი რჩება“, - ამის შესახებ საქართველოს პრემიერ-მინისტრმა ირაკლი კობახიძემ „ევრონიუსთან“ ინტერვიუში განაცხადა. როგორც მთავრობის მეთაურმა აღნიშნა, საქართველო ყოველთვის პასუხისმგებლობიანი პარტნიორი იყო.

„4 ოქტომბერს გვაქვს შანსი ყველას კიდევ ერთხელ დავანახოთ, რომ ჩვენი ბრძოლა დღეს საარჩევნო უბნებზე მისვლასა და თავისუფალი არჩევანის გაკეთებაზე, მშვიდობისა და სტაბილურობის შენარჩუნებაზე გადის“, - „ქართული ოცნების“ საპატიო თავმჯდომარის, ბიძინა ივანიშვილის განცხადებაშია აღნიშნული.

„ქართულმა ოცნებამ“ მთელი რიგი ეკონომიკური და დემოკრატიული რეფორმები გაატარა და როგორც პრეზიდენტი ყაველაშვილი დაბეჯითებით უსვამს ხაზს, რეფორმების შედეგად საქართველო საგრძნობლად უსწრებდა მოლდოვასა და უკრაინას ევროკავშირში გაწევრიანების კრიტერიუმების შესრულების გზაზე“, - ამის შესახებ გავლენიანი ამერიკული გამოცემის Responsible Statecraft-ის სტატიაში ვკითხულობთ, რომელიც საქართველოს პრეზიდენტთან, მიხეილ ყაველაშვილთან ნიუ-იორკში ჩაწერილ ინტერვიუს აქვეყნებს. სტატიის ავტორი წერს, რომ ბიძინა ივანიშვილს მტრები ყოველთვის მოსკოვის აგენტობაში ადანაშაულებდნენ, თუმცა ამის დამადასტურებელი კონკრეტული მტკიცებულება არასდროს წარმოუდგენიათ.

„ესენი კიდევ სხვა ტიპის სასწავლებლებია, რომლებიც პირდაპირ ექსტრემისტებად ზრდიან ახალგაზრდა თაობას“, - ასე გამოეხმაურა ფრაქცია „ქართული ოცნების“ თავმჯდომარის პირველი მოადგილე ლევან მაჭავარიანი ახალგაზრდების გადამზადებას რევოლუციური სცენარებისთვის. მისივე თქმით, გიული ალასანიას უნივერსიტეტი რადიკალური მიზნებისთვის იღებს დაფინანსებას.

„კიდევ ერთხელ ვაფრთხილებ ყველას, ძალიან ფრთხილად იყვნენ, იქიდან გამომდინარე, რომ პოლიცია დაანახვებს მათ რეალურ ძალას“, - ამის შესახებ ფრაქცია „ქართული ოცნების“ თავმჯდომარის პირველმა მოადგილემ ლევან მაჭავარიანმა ოპოზიციის გეგმებზე საუბრისას განაცხადა, რომლებსაც 4 ოქტომბრისთვის აწყობენ. როგორს დეპუტატი აღნიშნავს, ნებისმიერ კანონდარღვევას სახელმწიფოს მხრიდან შესაბამისი რეაგირება მოჰყვება.

„ჩვენ არავის მივცემთ იმის საშუალებას, რომ საქართველოში წარმატებით განახორციელოს რაიმე რევოლუციური ჩანაფიქრი“, - ამის შესახებ საქართველოს პრემიერ-მინისტრმა ირაკლი კობახიძემ ჟურნალისტებს ჟურნალისტებს განუცხადა. როგორც პრემიერმა აღნიშნა, უცხოური სპეცსამსახურები მუშაობენ აპრობირებული მეთოდებით.

თბილისის სააპელაციო სასამართლომ ძალაში დატოვა თბილისის საქალაქო სასამართლოს განაჩენი და კორუფციული სქემით, დიდი ოდენობით სახელმწიფო ბიუჯეტის კუთვნილი თანხების გაფლანგვის ფაქტზე, საქართველოს ყოფილი პრეზიდენტი მიხეილ სააკაშვილი დამნაშავედ ცნო. ასევე, დამნაშავედ იქნა ცნობილი სახელმწიფო დაცვის სპეციალური სამსახურის ყოფილი უფროსი - თეიმურაზ ჯანაშია, რომლის ქმედებაც ნაცვლად გაფლანგვისა, სასამართლოს მიერ შეფასდა როგორც სამსახურებრივი უფლებამოსილების ბოროტად გამოყენება.

„ლელო“ ძალიან მძიმე მდგომარეობაშია, საზოგადოებას შევახსენებ, რომ მათ, გახარიას პარტიასთან ერთად, ნახევარი საქართველო ფიზიკურად ვერ დააკომპლექტეს მაჟორიტარობის და მერობის კანდიდატებით. შემდეგ, მათ პარტიას ტოვებენ სხვადასხვა წევრები - „ლელოს“ შემთხვევაში, პირველი იყო საბა ბუაძე, რომელიც ერთ-ერთი ლიდერი და თბილისის ორგანიზაციის თავმჯდომარე გახლდათ, მას მიჰყვა ათეულობით ადამიანი, ბოლნისის მერობის კანდიდატმა მოხსნა თავისი კანდიდატურა, სუსს და ბატონ მდინარაძეს აბრალებდნენ, გამოვიდა ის კაცი და თქვა, რომ არ მინდა, ასოცირებული ვიყო „ლელოსთანო“, - ამის შესახებ ფრაქცია „ქართული ოცნების“ თავმჯდომარის პირველმა მოადგილემ ლევან მაჭავარიანმა, განაცხადა. მისი თქმით, „ლელომ“ აუდიოჩანაწერი გაასაჯაროვა, რომლითაც ამტკიცებენ, რომ „ქართულმა ოცნებამ“ მათი კანდიდატი მოისყიდა, თუმცა, კარგია, რომ პროკურატურა ამ საკითხით დაინტერესდა და „ლელოს“ მიერ დადგმულ სპექტაკლს გამოძიება ამხელს. მაჭავარიანი აღნიშნავს იმასაც, რომ „ლელომ“ და გახარიას პარტიამ ერთად, ნახევარი საქართველოც კი ვერ დააკომპლექტეს კანდიდატებით, ხოლო, პარტიაში არსებულ პრობლემებზე მაშინ უნდა ეფიქრათ, როდესაც ერთ-ერთმა ლიდერმა, საბა ბუაძემ მიიღო „ლელოს“ დატოვების გადაწყვეტილება.

„როდესაც გერმანიის ელჩს სურს, რომ ეს პროცედურა თავიდან აირიდოს, ეს კიდევ ერთხელ მეტყველებს და მიუთითებს იმაზე, რომ ეს თანხები, რაც მას მოაზრებული ჰქონდა „ენჯეოორგანიზაციების“ დასაფინანსებლად, ნამდვილად არ ხმარდება საქართველოს და ნამდვილად არ ხმარდება კეთილ საქმეს ჩვენს ქვეყანაში“, - ამის შესახებ ფრაქცია „ქართული ოცნების“ თავმჯდომარის პირველმა მოადგილემ ლევან მაჭავარიანმა პეტერ ფიშერზე საუბრისას განაცხადა.