ულამაზესი თამუნა ქორქია „სითის“ ახალი ნომრის გარეკანს წითელ კაბაში ამშვენებს. მან ნინო დარასელის ბლიც შეკითხვებს უპასუხა.
გთავაზობთ ამონარიდს ინტერვიუდან. შეგახსენებთ, რომ თამუნამ ძალიან მძიმე ჯანმრთელობის პრობლემები გადაიტანა, შემდეგ მას ორგანო გადაუნერგეს და მისთვის ახალი სიცოცხლე დაიწყო.
„მე მინდა… საუბარი ღმერთთან.
მე მაქვს ძალა… ყველა დაცემის მერე კვლავ ადგომის.
მე გირჩევთ… დააფასოთ ყველაფერი, რაც გვაქვს. ყველა წამი და ყველა წუთი, სიცოცხლე არის დღესასწაული! ჰოდა, კიდევ გირჩევთ, არასდროს თქვათ არასდროს.
მე ჩემში არ შევცვლიდი… იმას, რომ სასწაულების მჯერა.
მე არ მიხდება… ავადმყოფობა, დაღლილობა, უძილობა.
მე თამუნა ქორქია ვარ, ვარ ბედნიერი და მიხარია, რომ მიხარია ცხოვრება“.
