„დღევანდელი დღის მმართველი პლანეტა მერკურია, რაც გაძლევთ შესაძლებლობას დაასრულოთ, ბოლომდე მიიყვანოთ ნებისმიერი საქმე, რაც ადრე გაქვთ დაწყებული“, - ამის შესახებ ასტროლოგმა ნინა სუსლოვამ გადაცემაში „დილა მშვიდობისა საქართველო“ ისაუბრა და საზოგადოებას რეკომენდაციები გაუზიარა.
რაც შეეხება ზოდიაქოს თითოეულ ნიშანს, მათი 26 თებერვლის ასტროლოგიური პროგნოზი ასე გამოიყურება 👇
ვერძი - საკმაოდ აქტიური დღეა, ახალი საქმეების დაწყება შეგიძლიათ, თუ ძველი დასრულებული გაქვთ. მოსალოდნელია მცირედი კონფლიქტები. ნუ იქნებით იმპულსურები.
კურო - გინდათ ყველაფერი ერთდროულად გადაწყვიტოთ, თუმცა არ უნდა იჩქაროთ. დინჯად და მშვიდად მიჰყევით გარემოებას. ყურადღება დაუთმეთ ოჯახს.
ტყუპები - აქტიურები და ენერგიულები იქნებით, კარგი დღეა რაიმე ახლის შესასწავლად. თუ რაიმე სიახლის შეტანა გსურთ თქვენს ცხოვრებაში დღევანდელი დღე უნდა გამოიყენოთ.
კირჩხიბი - ძალიან მნიშვნელოვანი დღეა, რადგან შეგიძლიათ კარიერულად წინ წახვიდეთ, განვითარდეთ და ახალი მწვერვალი დაიპყროთ. შეეცადეთ იყოთ მშვიდები.
ლომი - ბევრი საქმე გექნებათ, არ დაკარგოთ კონცენტრაცია და დრო სწორად გადაანაწილოთ. არ არის სასურველი მნიშვნელოვანი შენაძენების განხორციელება.
ქალწული - შეეცადეთ არ აიღოთ ისეთი ვალდებულება, რომლის შესრულებაც გაგიჭირდებათ. ნუ გარისკავთ, რადგან ემოციური დისბალანსი შეგექმნებათ.
სასწორი - მშვიდი და ჰარმონიული დღე გელოდებათ. კარგია თუ დროს იმ ადამიანებთან გაატარებთ, ვისთანაც თავს კომფორტულად გრძნობთ. იყავით თბილები და მშვიდები.
მორიელი - იქნება დაძაბული დღე, არ მიიღოთ მნიშვნელოვანი გადაწყვეტილებები, არ გარისკოთ და სიფრთხილე გამოიჩინეთ ფინანსებთან. გელოდებათ კონფლიქტი კოლეგებთან. იყავით მშვიდები, მოითმინეთ.
მშვილდოსანი - მარტივი იქნება თქვენთვის კომუნიკაცია, მოახერხებთ შთაბეჭდილების მოხდენას. გაიცნობთ ახალ ადამიანებს.
თხის რქა - საკმაოდ წარმატებული დღე იქნება, თქვენი შრომა დაფასდება. არ გადაიტვირთოთ და დრო საკუთარი თავისთვისაც დაიტოვეთ.
მერწყული - გექნებათ ახალი იდეები, რის განსახორციელებლადაც შეგიძლიათ გარკვეული ნაბიჯები გადადგათ, მთავარია თავად მოინდომოთ და უკან არ დაიხიოთ.
თევზები - ნუ შეშინდებით. ცვლილებები თქვენს სასიკეთოდ იქნება. იყავით მიმღები და ადეკვატური.
აგრეთვე დაგაინტერესებთ:
⭕„რა გოგო ხარ, საოცრება“ - გურამ ლომიძის რჩეული ახალ ფოტოებს გვიზიარებს
🎥 „უსიმპათიურესი, უმაგრესი“ - გიორგი გასვიანი ახალ ვიდეოს გვიზიარებს
🎥 რუსკა ქარქაშაძე ქმართან ერთად ესპანეთში მოგზაურობს - რა კადრებს აქვეყნებს მსახიობი
