ასტროლოგი ქეთი ოდიშელი სოციალურ ქსელში აქტიურობით გამოირჩევა და საზოგადოებას ხშირად უზიარებს ინფორმაციას ამა თუ იმ მოვლენის შესახებ.
ამჯერად იგი მორიგ საინტერესო პოსტს აქვეყნებს, სადაც მარტის მზის დაბნელებაზე წერს:
„2025 წლის პირველი მზის დაბნელება, 29 მარტს, ვერძის მე9-ე გრადუსზე, 12: 50წუთზე დაიწყო, თუმცა ზოგადად დაბნელების ეფექტები უკვე საგრძნობია ხოლმე, დაბნელებამდე 1 კვირით ადრეც.
მეგობრებო, ზოგადად დაბნელების ფონი ინდივიდუალურია თითოეული ადამიანისთვის, პროგნოზი დამოკიდებულია ინდივიდის რუკაზე, შეიძლება იყოს მომგები, სასიკეთო ან პირიქითაც, თუმცა ნებისმიერ შემთხვევაში, მიმდინარე ასტრონომიული პროცესების შედეგად, არასასურველი ფაქტორები აისახება ნებისმიერ ჩვენგანზე, ამიტომ მსგავს პერიოდებში სასურველია თავი შევიკავოთ მნიშვნელოვანი საკითხების გადაწყვეტისგან, სამედიცინო ქირურგიული ან ინვაზიური მანიპულაციებისგან და მშვიდ, ჩვენთვის ჰარმონიულ გარემოში გავატაროთ მეტი დრო.
მზის დაბნელების გავლენა, მთვარის დაბნელებისგან განსხვავებით ნახევარი წლიდან რამდენიმე წლამდე გასტანს.
ახლა ვისაუბროთ კონკრეტულად 29 მარტის დაბნელების პროცესზე, იმაზე თუ რა პერსპექტივებზე საუბრობენ ვარკსვლავები. (ვარსკვლავებით არ ვწინასწარმეტყველებთ, არ ვმკითხაობთ, ვარსკვლავებით ვკითხულობთ გარკვეულ ინფორმაციას, ისევე როგორც სინოპტიკოსები იღებენ გარკვეული ხელსაწყოებით ინფორმაციას მომავალ პროგნოზებზე და ისევე, როგორც ვთქვათ საფონდო ბირჟებზე მოსალოდნელ ცვლილებებზე აკეთებენ პროგნოზს.)
მზის დაბნელება როგორ წესი ემთხვევა ხოლმე ახალმთვარეობას, ამჯერად ეს ახალმთვარეობა ვერძის ზოდიაქოს ნიშანშია, ანუ სიმბოლურად მიმდინარე ფონის შეფასებას ვახდენთ ვერძის ზოდიაქოს ნიშნის ხასიათით, მისი მმართველით მარსით, მარსის ბუნებით, პოზიციითა და სხვა პლანეტებთან ურთიერთქმედებით.
ვერძის ნიშანს, ისევე როგორც მის მმართველ პლანეტას უამრავი უპირატესობა, დადებითი სახასიათო შტრიხი და ეფექტი აქვს, თუმცა ახლა ხელისშემშლელ ფაქტორებზე ვამახვილებთ ყურადღებას, თანაც მაშინ, როდეს მერკური და ვენერა რეტროგრადულია და მათ ქაოსს დამატებით მეტ ბუნდოვანებას სძენს შეერთებაში მყოფი პლანეტა ნეპტუნი.
შედეგად ვიღებთ უმიზეზო ან გაზვიადებულ ფეთქებადობას, სიხისტეს, გაუმართლებელ რისკს, იმპულსურობას, ბრაზს... შესაბამისად ეს ყოველივე თვისობრივად, როგორც ინდივიდის ისე გლობალურ დონეზე შეიძლება მეტად გამოვლინდეს, განსაკუთრებით საბრძოლო ვითარებაში მყოფ ქვეყნებს ვგულისხმობ.
რაც შეეხება მარსს, ის კირჩხიბის ზოდიაქოს ნიშანშია, კირჩხიბი, კი მიუხედავად იმისა, რომ ძალიან განსხვავებული, ფრთხილი და ინტუიციური სტრატეგია, ძალიან ემოციურია, მოწყვლადია. მისი ყველაზე დიდი ფასეულობაც და სუსტი წერტილიც ოჯახი(სამშობლო) და ოჯახის წევრები არიან.
🛑აქტუალური თემები რომელიც მოითხოვს მეტ ყურადღებას:
❗ბრძოლა პირველობისთვის
❗სიჯიუტე
❗დაუნდობლობა
❗ არაგამართლებული რისკი
❗ ეგოიზმი
❗დაუფიქრებლობა
❗სულსწრაფობა
❗ემოციურობა
❗ წყენები
❗ ჩაკეტილობა
❗ხასიათცვალებადობა
რაც შეეხება ციფრულ ასტროლოგიას, დაბნელების ნუმეროლოგიური მაჩვენებელი 5 პლანეტა მერკურის შეესაბამება, რომელიც მიუთითებს იმაზე, რომ მოლაპარაკებებზე, ინფორმაციის სწორად მიღება - გადაცემაზე, დიპლომატიაზე, შუამავლის ფუნქციაზე, წარსულის გადახედვასა და ხარვეზების კორექციაზეა დამოკიდებული ბევრი რამ.
P.S. აქ გასათვალისწინებელია ისევ და ისევ რეტროგრადული მერკურის პერიოდისთვის სახასიათო რეკომენდაციები!“,- წერს ქეთი ოდიშელი.
⭕ ასევე დაგაინტერესებთ:
⭕გიორგი შერმადინი „სარაგოსასთან“ მატჩის საუკეთესო კალათბურთელად დასახელდა
