ვენერა მორიელში გადადის!
რეტროგრადული მოძრაობის გამო:
ვენერა სიყვარულის, ურთიერთობების, სილამაზის, ფინანსებისა და პირადი ღირებულებების პლანეტაა. მორიელში მისი გავლენა განსაკუთრებით ღრმა, ემოციური და ინტენსიური ხდება.
ეს პერიოდი გვაიძულებს უფრო გულწრფელად დავაკვირდეთ საკუთარ გრძნობებს — რას ვგრძნობთ სინამდვილეში, ვისთან გვინდა ყოფნა და რა აღარ გვაკმაყოფილებს.
შეიძლება გაძლიერდეს ვნება და მიზიდულობა;
მოიმატოს ეჭვიანობამ, კონტროლის სურვილმა და ემოციურმა დაძაბულობამ;
ფინანსებში კი საჭირო გახდეს მეტი სიფრთხილე და გააზრებული გადაწყვეტილებები.
ვენერას რეტროგრადული პერიოდი:
3 ოქტომბერი – 14 ნოემბერი — ძველი ურთიერთობების, გრძნობებისა და ფინანსური საკითხების გადახედვის დრო.
მნიშვნელოვანი თარიღები
15 სექტემბერი, 20 ოქტომბერი, 9 დეკემბერი — ვენერა კვადრატში პლუტონთან
ემოციური დაძაბულობა, ეჭვიანობა, ძალაუფლებისთვის ბრძოლა და ფინანსური საკითხების გამწვავება.
7 ოქტომბერი — ვენერა შეერთებაში მერკურისთან
ღრმა, გულწრფელი და მნიშვნელოვანი საუბრები.
10 ოქტომბერი — ვენერა კვადრატში მარსთან
ვნება და კონფლიქტი ერთმანეთში ირევა. მოერიდეთ იმპულსურ გადაწყვეტილებებსა და ხარჯებს.
24 ოქტომბერი — ვენერა შეერთებაში მზესთან
ძლიერი ემოციები და შინაგანი გარდაქმნები.
12 დეკემბერი — ვენერა სექსტილში მარსთან
ჰარმონია, ენერგია, სიყვარული და შემოქმედებითი შთაგონება.
3 იანვარი — ვენერა კვადრატში იუპიტერთან
საჭიროა ზომიერება სიყვარულშიც და ფინანსებშიც — შესაძლოა ზედმეტი ხარჯვისა და სიამოვნებებისკენ მიდრეკილება.
ზოდიაქოებისთვის,რომელ სფეროს გააქტიურებს ვენერა მორიელში?
ვერძი — 8-ე სახლი
საერთო ფინანსები, ვალები, ინვესტიციები და ინტიმური ურთიერთობები. ფრთხილად იყავით ფინანსურ გარიგებებში და ნუ აჰყვებით ეჭვიანობას.
კურო — 7-ე სახლი
ურთიერთობები და პარტნიორობა. კარგი პერიოდია ახალი ნაცნობობისა და არსებული ურთიერთობის გაღრმავებისთვის, თუმცა ეჭვიანობამ შეიძლება ხელი შეუშალოს ჰარმონიას.
ტყუპები — 6-ე სახლი
სამსახური, ყოველდღიურობა და ჯანმრთელობა. სამუშაო გარემოში ურთიერთობები შეიძლება გაუმჯობესდეს, მაგრამ მოერიდეთ სამსახურში ინტრიგებსა და ზედმეტ გულახდილობას.
კირჩხიბი — 5-ე სახლი
სიყვარული, რომანტიკა, შვილები და შემოქმედება. მეტი ვნება და სასიამოვნო მომენტები, თუმცა მოერიდეთ ზედმეტ ხარჯვასა და ემოციურ გადაწყვეტილებებს.
ლომი — 4-ე სახლი
სახლი, ოჯახი და უძრავი ქონება. კარგი პერიოდია სახლის გალამაზებისა და ოჯახთან დაახლოებისთვის, მაგრამ მნიშვნელოვანი ქონებრივი გადაწყვეტილებები კარგად აწონ-დაწონეთ.
ქალწული — 3-ე სახლი
კომუნიკაცია, შეხვედრები, მოკლე მგზავრობები და ახლო გარემო. მოსალოდნელია საინტერესო ნაცნობობები და მნიშვნელოვანი საუბრები. ინფორმაცია გადაამოწმეთ.
სასწორი — 2-ე სახლი
ფინანსები, შემოსავალი და მატერიალური ღირებულებები. შესაძლებელია შემოსავლის გაუმჯობესება, თუმცა იმპულსურ ხარჯებს მოერიდეთ.
მორიელი — 1-ლი სახლი
თქვენი პიროვნება, გარეგნობა და თვითშეფასება. მომხიბვლელობის ზრდის ძლიერი პერიოდია — კარგი დროა საკუთარი თავისთვის, იმიჯისა და ურთიერთობებისთვის.
მშვილდოსანი — 12-ე სახლი
ფარული გრძნობები, საიდუმლო ურთიერთობები და შინაგანი სამყარო. შეიძლება წარსულიდან დაბრუნდეს ადამიანი ან გრძნობა. არ აჰყვეთ ილუზიებს.
თხის რქა — 11-ე სახლი
მეგობრები, გეგმები და სურვილები. შესაძლებელია სასარგებლო ნაცნობობა, მეგობრობიდან სიყვარულში გადასვლა ან მოულოდნელი მხარდაჭერა.
მერწყული — 10-ე სახლი
კარიერა და სოციალური სტატუსი. კარგი პერიოდია საკუთარი იმიჯის, პროფესიული კავშირებისა და კარიერული შესაძლებლობების გასაძლიერებლად.
თევზები — 9-ე სახლი
მოგზაურობა, სწავლა, უცხოეთი და სულიერი განვითარება. შესაძლებელია საინტერესო ნაცნობობა, ახალი შესაძლებლობები ან ფინანსური სარგებელი უცხოეთთან დაკავშირებული საქმეებიდან.
⭕ ასევე დაგაინტერესებთ:
⭕როგორი ამინდია მოსალოდნელი 12 სექტემბერს საქართველოში - პროგნოზი ქალაქების მიხედვით
