მასწავლებლის ეროვნული ჯილდოს მფლობელი ლადო აფხაზავა ჟურნალ „სარკესთან“ საუბრისას აცხადებს, რომ უკრაინელი მოსწავლეების დასახმარებლად გასაყიდად გამოტანილი დედის დანატოვარი ოქროს ბეჭედი და ოქროს ჯილდო ცნობილმა ადვოკატმა, ზვიად კორძაძემ გადაურჩინა:
„ძალიან კარგად დასრულდა ეს ამბავი. იურისტმა ზვიად კორძაძემ გადმოგვირიცხა ის თანხა, რომელსაც ამ ოქროს სანაცვლოდ ვითხოვდით და ნივთები ჩვენ დაგვიტოვა. დიდი ფასი ვერ დავადე. 2500 ლარი საკმარისი იქნება ამჯერად -მეთქი, დავწერე. ბეჭედი 10 გრამია, მგონი. მონეტა უფრო ფასიანია, მაგრამ ჩემთვის ბეჭედი უფრო ძვირფასია, რადგან დედის დატოვებულია. დედაჩემი ამ ბეჭდით დაინიშნა მამაჩემმა. მეუბნებოდა, რომ ეს ბეჭედი ჩემი იყო…“, - განაცხადა ლადო აფხაზავამ.
ასევე დაგაინტერესებთ👇
წყარო: sarkenews.ge
