უნგრეთის დედაქალაქ ბუდაპეშტში მიმდინარე მსოფლიო ჩემპიონატზე ძიუდოში გურამ თუშიშვილი (+100 კგ) ფინალში იჭიდავებს – ქართველმა მძიმეწონოსანმა ფინალში გასასვლელ დაპირისპირებაში მსოფლიოს მოქმედი ჩემპიონი, კორეელი კიმი დამატებით დროში იპონით დაამარცხა.
ოქროს მედლისთვის გურამის მეტოქე ნეიტრალური დროშით მოასპარეზე ინალ ტასოევი იქნება.
ფინალური ბლოკი 20:00 საათზე დაიწყება.
შეგახსენებთ, რომ ძიუდოს მსოფლიო ჩემპიონატი 13 ივნისს დაიწყო და საქართველოს ნაკრების ანგარიშზე სამი მედალია: ეთერ ლიპარტელიანმა (57 კგ) ოქროს მედალი მოიპოვა, ტატო გრიგალაშვილი (81 კგ) ტურნირის ვიცე-ჩემპიონი გახდა, ლუკა მაისურაძე (90კგ) კი ბრინჯაოს მედალს დაეუფლა.
⭕ ასევე დაგაინტერესებთ:
⭕„სულ ასე უნდა ყოფნა, მეც მიკრული მყავს აქსესუარით“ - რა კადრებს აქვეყნებს ნანუკა გულუა
⭕„თავის დროზეც არ უნდა მესაუბრა...“ - რას ამბობს თათია შარანგია ყოფილ მეუღლეზე
