5 ივნისს, დილით ხაშურში სამსახურიდან სახლში მისულ კაცს 9 წლის შვილი გარდაცვლილი დახვდა, ხოლო მეუღლე უგონო მდგომარეობაში მყოფი იყო.
ქალის ჯანმრთელობის მდგომარეობაზე ახალი დეტალები გახდა ცნობილი. ის სასწრაფო სამაშველო ბრიგადამ თბილისში გადაიყვანა.
„ამ ეტაპზე, არის მძიმე მდგომარეობა. მართვით სუნთქვაზე იმყოფება. გრძელდება კვლევები, რომლებიც შემოსვლისთანავე დაიწყო. ერთმნიშვნელოვანი პასუხი მას შემდეგ გვექნება, რაც ყველა კვლევის პასუხს მივიღებთ. საკვების სახით მიღებულ პროდუქტებზეც არის ეჭვი, რომელიც ლუგარის ლაბორატორიაშია გაგზავნილი. ზუსტად ვერ გეტყვით, როდის იქნება ლუგარის ლაბორატორიიდან პასუხები. საბოლო ჯამში მათი პასუხები იქნება მნიშვნელოვანი და გადამწყვეტი. გამორიცხულია სხვადასხვა ორგანული პათოლოგიური, თუმცა ჯერ კიდევ რჩება რამდენიმე საეჭვო დიაგნოზი", - განაცხადა კლინიკის დირექტორმა.
შინაგან საქმეთა სამინისტრომ მომხდართან დაკავშირებით გამოძიება სისხლის სამართლის კოდექსის 116-ე მუხლით დაიწყო, რაც გაუფრთხილებლობით სიცოცხლის მოსპობას გულისხმობს.
ასევე დაგაინტერესებთ:
⭕არველაძეების რძალმა დაბადების დღე მეუღლესთან ერთად, სტამბოლში აღნიშნა - ფოტოები
