საქართველოს ეროვნული ნაკრების მთავარმა მწვრთნელმა რამაზ სვანაძემ წლის ბოლო საშინაო მატჩისთვის, რომელსაც უნგრეთთან ჩაატარებს, სასტარტო შემადგენლობა შეარჩია.
საქართველოს ნაკრები უეფას ერთა ლიგის მე-5 ტურის დაპირისპირებას თბილისში, მიხეილ მესხის სახელობის სტადიონზე გამართავს.
უკვე ცნობილია ორივე გუნდის ძირითადი შემადგენლობა. რამაზ სვანაძემ არჩევანი ასეთ 11-ეულზე გააკეთა:
საქართველო (4-3-3): მამარდაშვილი; კაკაბაძე, გოგლიჩიძე, დვალი, ლოჩოშვილი; ჩაკვეტაძე, მექვაბიშვილი, გაგნიძე; წიტაიშვილი, მიქაუტაძე, კვერნაძე
უნგრეთი: ბ. ტოტი; ოშვათი, ჩინგერი, ორბანი, კერკეზი; ვიტალისი, სობოსლაი, შაფერი, ნადი; ვარგა, შალაი
შეგახსენებთ, საქართველო - უნგრეთის მატჩი 14 ნოემბერს, თბილისში, „მიხეილ მესხზე“ გაიმართება. ბუდაპეშტში, მასპინძლებმა მილოშ კერკეზის გოლით 1:0 მოიგეს. 17 ნოემბერს რამაზ სვანაძის გუნდი უკრაინას ესტუმრება. ჯგუფს ოთხი ტურის შემდეგ, ჩრდილოეთ ირლანდია 8 ქულით ლიდერობს, მეორე უნგრეთია 7 ქულით, უკრაინას 4 ქულა აქვს, ხოლო საქართველო მეოთხე საფეხურზე 2 ქულითაა და ჯერ თამაში არ მოუგია, არც გოლი გაუტანია.
