შავი ზღვის თასზე, ბათუმში მესამე ტურის შევედრები გამართეს ქართულმა გუნდებმა „აპოლომ“ და „დინამომ“. დინამოელებმა „ნოვი ბელგრადს“ უმასპინძლეს და 4:17 დამარცხდნენ. „აპოლომ“ კი ორი მატჩი გამართა. ჯერ იაპონურ „კაშივაზაკის“ 34:10 სძლია, შემდეგ დაძაბულ ბრძოლაში მინიმალური სხვაობით დათმო გერმანულ „ჰანოვერთან“ – 10:11.
„ბელგრადთან“ „დინამოს“ შემადგენლობაში დუბლი შეასრულა გიორგი მაგრაქველიძემ.
„აპოლოში“ კი „ჰანოვერთან“ მთავარი მეგოლე ვუკ დრაშკოვიჩი გახდა – 3 გოლი. ორი გოლი გაიტანა დუშან ვასიჩმა, თითო – ანდრია ბითაძემ, ფილიპ გარდაშევიჩმა, მარტინ გარდაშევიჩმა, დმიტრი ალექსეევმა და მატია სლადოვიჩმა.
რაც შეეხება „აპოლო“-„კაშივაზაკის“ მატჩს, შეუჩერებელი იყო ფილიპ გარდაშევიჩი, რომელმაც ცხრა დარტყმიდან ცხრავე გოლად გარდასახა. დმიტრი ალექსეევმა 5 გოლი გაიტანა, ხოლო ანდრია ბითაძემ – 4.
„აპოლო“ A ჯგუფში მესამე ადგილზე გავიდა, ხოლო „დინამო“ B ჯგუფში – მეოთხეზე.
⭕ ასევე დაგაინტერესებთ:
⭕ ხვიჩა კვარაცხელიამ ძირითადში ითამაშა, გიორგი მიქაუტაძე „ვილიარეალში“ შეცვლაზე გამოჩნდა
⭕ დამთხვევა თუ წინასწარ დაწერილი სცენარი: რა იმალება სამყაროს ნიშნების მიღმა
🎥 „ეს არის პირდაპირ ტრაგედია“ - ინკლუზიური განათლების სპეციალისტი თინათინ გობაძე
წყარო: 1tv.ge
