ქართული ლიტერატურის მკვლევარი, ფილოლოგიის დოქტორი და ესეისტი გია მურღულია სოციალურ ქსელში მორიგ საინტერესო, შთამაგონებელ პოსტს აქვეყნებს:
„შენ ეცადე: „ბედი ცდაა“. (რუსთველი)
შენ ჰკითხე: „ჩემო კარგო ქვეყანავ, რაზედ მოგიწყენია?“ (ილია)
შენ მოძებნე: „ვინ მოყვარესა არ ეძებს, იგი თავისა მტერია“. (რუსთველი)
შენ მოუსმინე: „ვინ იცის, მტკვარო, რას ბუტბუტებ, ვისთვის რას იტყვი“. (ნიკოლოზ ბარათაშვილი)
შენ გაიაზრე: „შენ, სისხლო ჩემო, შენი ღვაწლია, რამაც აქამდეც კი მოაღწია“. (მუხრან მაჭავარიანი)
შენ დაფიქრდი : „ყველანი მართალს ამბობენ განა, ვინაცა ჰფიციან?“(ვაჟა-ფშაველა)
შენ გაიხსენე: „იდესმე დიდი ყოფილა საქართველო". (მურმან ლებანიძე)
შენ მოინდომე: „ხომ ლამაზია ეს საქართველო, მაგრამ მე უფრო ლამაზი მინდა“. (ლადო ასათიანი)
შენ შეხედე: „ყორღანებიდან გნოლი აფრინდა, ყაბარდოს ველი გადაიარა“. (გიორგი ლეონიძე)
შენ ინატრე: „მე კი ვინატრებ გზას უნაპიროს, ცოტა სიყვარულს და ღერ პაპიროსს“. (გალაკტიონი)
შენ უთხარი: „შენ ხარ ოთახში ჰაერზე მეტი“. (ოთარ ჭილაძე)
შენ შესძახე: „სჯობს, აღარ გქონდეს სულაც სამშობლო, ანდა არ იყოს ასე ლამაზი!“ (ტიციან ტაბიძე)
შენ ასწავლე: „არც კაცი ვარგა, რომ ცოცხალი მკვდარსა ემსგავსოს“. (ნიკოლოზ ბარათაშვილი)
შენ დაიმახსოვრე: „თუ კაცსა ცოდნა არა აქვს, გასტანჯავს წუთისოფელი“. (დავით გურამიშვილი)
შენ დაიფიცე: „მარად და ყველგან, საქართველოვ, მე ვარ შენთანა“. (ილია)
შენ სთხოვე: „დედაშვილობამ, ბევრს არ გთხოვ, შენს მიწას მიმაბარეო“. (აკაკი)
შენ გწამდეს: „ბოროტსა სძლია კეთილმან“. (რუსთველი)“, - წერს გია მურღულია.
⭕ ასევე დაგაინტერესებთ:
⭕ 12 ქიშმიში – იღბლის უნივერსალური რიტუალი
