შინაგან საქმეთა სამინისტროს ცენტრალური კრიმინალური პოლიციის დეპარტამენტის თანამშრომლებმა, გენერალურ პროკურატურასთან ერთად, ბოლო 24 საათში, თბილისსა და სამეგრელოს რეგიონში, მოსამართლის განჩინების საფუძველზე, კომპლექსურად ჩატარებული საგამოძიებო მოქმედებების შედეგად, პროსტიტუციის ხელშეწყობისა და პროსტიტუციისთვის ადგილის გადაცემის ბრალდებით, 12 პირი დააკავეს და 13 ობიექტი დახურეს.
დაკავებულებს შორის არიან როგორც საქართველოს, ასევე, ჩინეთის მოქალაქეები.
დაკავებულებს შორის, ერთ-ერთი ირმა კურტანიძე, იგივე ხატია წერეთელია.
სამართალდამცველების ინფორმაციით, გამოძიებით დადგინდა, რომ ბრალდებულები, მათ შორის ხატია წერეთელი, პროსტიტუციაში ჩართულ ქალებს სისტემატურად ეხმარებოდნენ და გარკვეული თანხის სანაცვლოდ მათ ფართებს უთმობდნენ.
მომხდარზე საუბრობს, ხატია წერეთლის მეგობარი, გურამ არუთინაშვილი. მისი თქმით ეს ყველაფერი მოწყობილია და თბილისში მის სალონში, მსგავსი არაფერი ხდებოდა.
„მე და ხატია საუკეთესო მეგობრები ვართ. თავზარი მაქვს დაცემული, ჩემთვის ეს ყველაფერი წარმოუდგენელია. მე იმ სალონში, თბილისში ბევრჯერ ვარ ნამყოფი და მსგავსი არაფერი ყოფილა. ის არაფერს მიმალავს, ჩვენ ყველანაირ თემაზე გახსნილად ვსაუბრობდით. მგონია, რომ ეს ყველაფერი მოწყობილია კონკურენტების მხრიდან. ხატია დიდი ხანია ამ სფეროშია, სამკურნალო, სარელაქსაციო მასაჟებს აკეთებს და მგონია, რომ ამ ყველაფერს როგორც მოწყობილს ისე დავარქმევდი.
ჩემი იქ ყოფნისას ხშირად მიუღიათ კლიენტები და მსგავსი არაფერი ყოფილა. ხატიასთან ჩინელებს არ უმუშავიათ, მხოლოდ ქართველები იყვნენ. ადგილზე სწავლობდნენ და შემდეგ საქმდებოდნენ.“, - ამბობს გურამ არუთინაშვილი მედიასთან ინტერვიუში.
მისი თქმით, მეგობარი ბოლო დღეები ანაკლიაში იმყოფებოდა.
„ხატია ბოლოს სამი დღის წინ ვნახე, ეს დღეები ანაკლიაში იყო. მისი შვილიც არ გამოდის კონტაქტზე. ძალიან კარგი შვილი ჰყავს, პროგრამისტია, საიტები აქვს და რეკლამებს ჰყიდის სხვადასხვა სტომატოლოგიურ კლინიკებზე, გამოვრიცხავ, რომ მისი შვილი დაკავებული იყოს“, - ამბობს არუთინაშვილი.
⭕ ასევე დაგაინტერესებთ:
🎥 1-ელი სექტემბრიდან ზოდიაქოს 5 წარმატებული ნიშანი - ვინ იქნება ფავორიტი, გოგა მანიას პროგნოზი!
⭕„რა ხდება ამ დროს სახლში“ - ქეთი ხატიაშვილი შვილების მხიარულ ვიდეოს აქვეყნებს
⭕ზოდიაქოს ამ სამ ნიშანს, სექტემბერში განსაკუთრებული წარმატება და იღბალი ელის
