„დაიჯესტის“ ბლიც-ინტერვიუს მორიგი სტუმარია ტელეწამყვანი დავით კოვზირიძე.
- რა მოხდა წელს შენს ცხოვრებაში ყველაზე კარგი?
- განსაკუთრებული არაფერი.
- როდის ხარ ყველაზე ბედნიერი?
- სიმშვიდისას.
- რა არის შენი საყვარელი ფრაზა, სიტყვა?
- ეგეთი არ მაქვს.
- რომელია შენი საყვარელი ფერი?
- მწვანე.
- „მძიმე კაცის“ სტუმრებისგან რომელს გამოარჩევდი?
- იმათ, ვინც გულწრფელი იყო. სამწუხაროდ ასეთი ბევრი არ იყო.
- რა არის სიყვარული?
- მეგობრობა.
- რა არის თავისუფლება?
- იმის კეთება, რაც გინდა, რომ აკეთო.
- რა არის მეგობრობა?
- სიყვარული.
- რა იწვევს შენში აღფრთოვანებას?
- ნიჭიერი ადამიანები.
- რისი ხმა გაღიზინებთ?
- უცოდინრობის.
- რისი გშურს?
- არაფრის.
- რამ შეიძლება გაგახაროს?
- ღმერთმა
- რა არის ღალატი?
- უპატივცემულობა.
- რა თვისებები მოგწონს ადამიანში?
- იუმორი და პასუხისმგებლობა.
- შენი ხასიათის მთავრი შტრიხი?
- სიმძიმე
- რა გენატრება ყველაზე მეტად?
- ბავშვობა.
- რა გწყინს?
- ასეთი მაგარი ქვეყანა რომ ასეთ დღეში ჩავაგდეთ.
- რამ შეიძლება აგატიროს?
- კარგმა კომედიამ.
- ბოლოს როდის იტირე?
- ცოტა ხნის წინ, რაღაც თრეში იყო ჩართული და სიცილისგან.
- როგორ ფიქრობ, ფეისბუქი, ინტერნეტი და ტექნოლოგიები როგორ შეცვლის სამყაროს?
- მატერიალური ყველაფერი გაქრება და ეს არ ვიცი, კარგი იქნება თუ ცუდი.
- როგორი წარმოგიდგენია პოსტპანდემიური ადამიანი?
- უნიღბოდ.
- ამბავი, რომელმაც ყველაზე დიდი გავლენა იქონია შენზე?
- უამრავია ასეთი, ყველა საინტერესო ამბავი რაღაც გავლენას ახდენს შენზე და გცვლის.
- რას კითხავდი ღმერთს შენ გადაცემაში რომ მოსულიყო?
- ვინ არის სატანა?
⚪აგრეთვე დაგაინტერესებთ:
თავისუფლება აზროვნების კატეგორიაა - ბლიც-ინტერვიუ დავით ტურაშვილთან
ბედნიერება მადლიერებაშია - შალვა კეკელიას ბლიც-ინტერვიუ
სექსიც არის სრულყოფილ ბედნიერებაში, ორგაზმიც და კარგი ღვინოც - ბლიც-ინტერვიუ ცაგარელთან
