„ქართული ოცნების“ აღმასრულებელმა მდივანმა მამუკა მდინარაძემ საარჩევნო უბანზე საკუთარი ხმა დააფიქსირა.
როგორც მან განაცხადა, იმ შემთხვევაში, თუ დღეს მოქალაქეები სრულ მობილიზებას გამოაცხადებენ, ოცივე მუნიციპალიტეტში „ქართული ოცნების“ კანდიდატების გამარჯვება გარანტირებული იქნება.
„ხმა მივეცი ამ ქალაქის განვითარებას, ჩემი ხმა ეკუთვნის მერობის კანდიდატ კახა კალაძეს, რომელმაც ეს ქალაქი 4 წელიწადში სხვანაირი გახადა და ხელშესახები გახადა ის პროგრესი, რაც ამ ქალაში არის, ამის დაუნახაობა შეუძლებელია.
მთელი საქართველოს მასშტაბით ეს არის ღირებულებითი არჩევანი. „ქართული ოცნება“ არის ის ძალა, რომელიც დგას სიმართლის მხარეს თავისი ხარვეზებით და პატარ-პატარა პრობლემებით, მაგრამ შეუძლიათ საქმის კეთება, გუნდის წევრები არიან პროფესიონალები და თავიანთ მუნიციპალიტეტებში აქვთ იმის ძალა, გამოცდილება და პროფესიონალიზმი, რომ ემსახურონ მოქალაქეებს“, - განაცხადა მამუკა მდინარაძემ.
30 ოქტომბერს საქართველოში თვითმმართველობის არჩევნების მეორე ტური ტარდება, უფრო კონკრეტულად კი მუნიციპალიტეტის წარმომადგენლობითი ორგანოს - საკრებულოსა და თვითმმართველი ქალაქის/თვითმმართველი თემის მერის არჩევნები. ის ვისაც, 30 ოქტომბერს მოქალაქეები აირჩევენ, მომავალი 4 წლის განმავლობაში თქვენი ქალაქის, თემის ბედს გადაწყვეტს.
ასევე დაგაინტერესებთ👇
🔵VIDEO: „ხმა მივეცი კახა კალაძეს“ - თბილისის მერი საარჩევნო უბანზე შვილთან ერთად მივიდა
🔵„უკვე ვიყავი არჩევნებზე, კარგი აქტიურობაა“ - სანდრა რულოვსის განცხადება (ფოტო)
