სუს-ის კონტრტერორისტულმა ცენტრმა და უკრაინის უსაფრთხოების სამსახურმა, თბილისში დაგეგმილი, აფე თქებით ორი პირის შეკვეთილი მკვლელობა აღკვეთეს. გავრცელებული ინფორმაციით იგეგმებოდა ტყუპი ძმის დავით და გიორგი ფეიქრიშვილების შეკვეთილი მკვლელობა.
ვინ არიან ძმები ფეიქრიშვილები?
1986 წელს დაბადებული ტყუპი ძმის გიორგი და დავით ფეიქრიშვილების სახელი 2016 წელს ვაკეში სროლისას მომხდარი მკვლელობის დროს ამოტივტივდა. ამ დროს ვაკეში სოსო ჯოხაძე მოკლეს.
ამ საქმესთან კი ძმებ ფეიქრიშვილების სახელს ხშირად ახსენებდნენ. ჯიხაძის საქმეზე სხვა პირებთან ერთად დაკავებული იყო გიორგი ფეიქრიშვილიც. საბოლოოდ ამ მკვლელობის ბრალდებით ბადრი, იგივე ბადუკა ნათობაძე გაასამართლეს.
წარსულში ნასამართლევი გიორგი ფეიქრიშვილის სახელი უკავშირდებოდა გია უდესიანს, რომელიც თავის მხრივ "ნაციონალების" "ზონდერ-ჯგუფების" მეთაურად" მოიხსენიებოდა.
ფეიქრიშვილი 2015 წლის ოქტომბერში ვაჟა-ფშაველაზე, საკუთარ სახლთან დააკავეს იარაღის უკანონო ტარების ფაქტზე. მაშინ მისი ოჯახის წევრები ირწმუნებოდნენ, რომ ფეიქრიშვილს პოლიციამ იარაღი ჩაუდო.
ფეიქრიშვილი 9 თვის განმავლობაში იხდიდა სასჯელს, 2016 წლის 30 ივნისს კი ციხიდან გამოვიდა. შემდეგ 2016 წლის სექტემბერში დააკავეს.
გიორგი ფეიქრიშვილის და მისი ტყუპისცალი ძმის (თბილისში ცნობილები, როგორც "ძმები ფეიქრიშვილები") სახელი სხვადასხვა კრიმინალურ საქმეში ფიგურირებს. დავით ფეიქრიშვილი 2016 წელს პატიმრობაში იმყოფებოდა. მისი სახელი ფიგურირებდა ე.წ მაზავშიკების საქმეში, რა დროსაც დავით გაგნიძე, გიორგი დემეტრაძე და კახა მისირელი დააკავეს.
შსს-ს ინფორმაციით, დაკავების დროს მათგან ამოღებული იქნა ერთ-ერთი მოქალაქისაგან მიღებული 40 700 აშშ დოლარი, რომელიც საფეხბურთო ჩემპიონატთან დაკავშირებით, ე.წ "მაზით" 140 000 აშშ დოლარი მოგებული ჰქონდა დავით ფეიქრიშვილს.
საქმეში ფიგურირებდა ვატო ყიფიანის სახელიც, რომელსაც მოგებული თანხის 30 000 აშშ დოლარი ამოღებული ჰქონდა უკრაინაში და ცდილობდა დარჩენილი თანხის, 40 700 აშშ დოლარის გადაცემას დავით ფეიქრიშვილისთვის, რა დროსაც მოხდა აღნიშნული პირების დაკავება.
ფეიქრიშვილის დაკავება
გიორგი ფეიქრიშვილი 4 წლის წინ ორ მეგობართან – გიორგი ყანჩაველთან და ნოდარ ნიშნიანიძესთან ერთად დააკავეს. ხმაურიანი დაკავება, ქალაქში მალევე დაუკავშირეს სოსო ჯოხაძის მკვლელობის საქმეს, რადგან ჯოხაძის მკვლელობაში მსჯავრდებული ბადუკა ნათობაძე ფექირიშვილების უახლოესი მეგობარი იყო.
გიორგი ფეიქრიშვილი ჯოხაძის მკვლელობასთან კავშირს უარყოფდა.
უნდა აღინიშნოს ისიც, რომ 2016 წლის სექტემბერს გიორგი ფექირიშვილთან დაკავებული გიორგი ყანჩაველი სოსო ჯოხაძის მკვლელობის დღეს, ნათობაძის ავტომობილში იჯდა.
საქმის გახსნა
გიორგი და დავით ფეიქრიშვილების განზრახ მკვლელობის მომზადების ბრალდებით დაკავებული 7 პირი დააკავეს.
როგორც ირკვევა, თბილისსა და ბათუმში ჩატარებული სპეცოპერაციის შედეგად საქართველოს 6 მოქალაქე აიყვანეს, სპეცოპერაცია ჩატარდა უკრაინის ქალაქ ხარკოვში, რა დროსაც უკრაინის ერთი მოქალაქე დააკავეს.
უკრაინაში ქართველი ე.წ. კრიმინალური ავტორიტეტის მიერ დაგეგმილი სადამსჯელო ოპერაციის შესახებ ძმებმა თავიანთი წყაროებით გაიგეს და ქართველი სამართალდამცავები საქმის კურსში ჩააყენეს.
შესაბამისად, სუსშივე დაიგეგმა დანაშაულებრივი ჯგუფის წევრების გამოვლენა, მათი ფარულად ჩაწერა და დაკავება.
ძმებმა დაგეგმილი აფეთქების შესახებ ინფორმაცია, რამდენიმე თვით ადრე შეიტყვეს. ფეიქრიშვილებმა ისიც იცოდნენ, რომ მათ ლიკვიდაციას კიევში მყოფი ე.წ. კრიმინალური ავტორიტეტის მითითებით გეგმავდნენ.
საქმის მთავარი ფიგურანტებიდან ორის ვინაობაა ცნობილი – ესენია გიორგი ბიბილაური და ბექა ცინცაძე. რაც შეეხება ე.წ კრიმინალურ ავტორიტეტს, საუბარია გავლენიან ფიგურაზე ვ. ყ.-იანზე.
საქმის მასალების მიხედვით, სწორედ ბიბილურსა და ცინცაძეს შეხვდა უკრაინის მოქალაქე, მათ გადასცა ე.წ. კრიმინალური ავტორიტეტის ვ.ყ-ს დანაბარები და თბილისში, კონსპირაციულ ბინაში დაიწყო ფეიქრიშვილების გადაადგილების მარშრუტის შედგენა და მათი აფეთქების სქემაზე მუშაობაც.
მკვლელობის სავარაუდო მოტივი შურისძიებაა. უფრო კონკრეტულად, სოსო ჯოხაძის მკვლელობის საქმის გაგრძელება, რადგან ცნობილია, რომ „ქურდებმა“ ძმებ ფექირიშვილებზე ანგარიშსწორება თბილისის ცენტრში ე.წ კრიმინალური ავტორიტეტის, გიორგი ჯოხაძის ძმის, სოსო ჯოხაძის ჩაცხრილვის შემდეგ გადაწყვიტეს.
აღსანიშნავია, რომ გიორგი და დავით ფეიქრიშვილების ავტომობილის აფეთქება მანამდეც სცადეს. პირველი აფეთქება თბილისში, ვაჟა ფშაველას გამზირზე, ერთ-ერთი ძმის საცხოვრებელთან მოხდა. ფექრიშვილებს მეორედ ფალიაშვილის ქუჩაზე დაესხნენ, ორივე თავდასხმას ძმები უვნებლად გადაურჩნენ.
აგრეთვე წაიკითხეთ:
თბილისში 17 წლის ბიჭმა საკუთარი მასწავლებელი მოკლა და შემდეგ თითი მოაჭრა
რა გამოუგზავნა თინა ფეტვიაშვილმა ციხიდან ია ნინიძეს - უცნობი ამბავი
