თავისუფალი სტილით მოჭიდავე გენო პეტრიაშვილი საამაყო ქართველი სპორტსმენია. ის ტოკიოს ოლიმპიადის ფინალში დრამატულ ბრძოლაში დამარცხდა და ვერცხლის მედალი მოიპოვა.
საინტერესოა, როგორ ცხოვრობს გენო და როგორი ოჯახი აქვს მას?
მისი რჩეული ნინი მშვიდობაძეა. წყვილმა ჯვარი ურბნისის საკათედრო ტაძარში დაიწერა.
გენო პეტრიაშვილის გათავისუფლების კადრები
როგორც ცნობილია, წლების წინ გენო ცხინვალში ჰყავდათ გატაცებული.
2005 წლის 19 აგვისტოს უცნობმა პირებმა გაიტაცეს და 3 თვე ცხინვალის ტერიტორიაზე ჰყავდათ დამალული.
ის კონფლიქტის ზონიდან, ფრონის ხეობის სოფელ ნულიდან გაიტაცეს.
მისი გათავისუფლება მხოლოდ 3 თვის შემდეგ, 25 ნოემბერს სამხრეთ ოსეთის თვითგამოცხადებული ხელისუფლების სამართალდამცავი ორგანოების მიერ მოხდა.
გენო პეტრიაშვილის ინტერვიუს ნაწყვეტი პორტალ „სპუტნიკიდან“
– ბევრი სპორტსმენი თავისი მშობლების გზას ირჩევს ხოლმე. შენც ოჯახური სპორტული ტრადიციების მიმდევარი ხარ?
– რაოდენ გასაკვირიც არ უნდა იყოს, არა. ჩვენ ოჯახში სპორტსმენები არ ყოფილან, მაგრამ ყოველთვის იყვნენ გულშემატკივრები და ჭიდაობის ყურება ყოველთვის უყვარდათ. ამიტომ მწვრთნელს მათი დათანხმება, რომ ჭიდაობა დამეწყო, დიდხანს არ მოუწია.
– რას ნიშნავს შენთვის ჭიდაობა? ეს გარკვეული თვითგამოხატვის საშუალებაა თუ მას რაიმე მიზნის მისაღწევად იყენებ?
– ვისაც საკუთარი მიზანი ან ოცნება არა აქვს, ის ცუდი სპორტსმენია. ჩვენთვის, პროფესიონალებისთვის, ჭიდაობა – ეს მთელი ცხოვრებაა. რამდენ დროს ვატარებთ სპორტულ დარბაზებში, შეკრებებზე, შეჯიბრებებზე – ვერც კი წარმოიდგენთ. ყოველთვის მთელი აზრები ჭიდაობაზეა, ტურნირებსა და მეტოქეებზე. ჩვენთვის ეს ყველაფერია.
– მუდმივად ჭიდაობაზე ფიქრით ჯერ არ დაღლილხარ?
– არა, დაღლა არ შეიძლება! ასე არ გამოვა. თავს ერთხელ თუ მოდუნების ნებას მისცემ, მერე ამ ტალღაზე აწყობა გაგიჭირდება.
აგრეთვე წაიკითხეთ:
ცრუ ბრალდებები, გრანდიოზული ქორწილი და გზა წარმატებისკენ - ლაშა ტალახაძის უცნობი ამბები
სექსშოპის მენეჯერობა და ქორწინება ნაადრევ ასაკში - ნინო ლეჟავას აქამდე უცნობი ამბები
