კოვიდ-19 ჭარბწონიანებისთვის უფრო საშიშია. ამის შესახებ უცხოური გამოცემა „Eatthis,Notthat“ წერს და კლინიკურ მიზეზებს გვიზიარებს:
⚪ პირველადი სტატისტიკა
მეცნიერებმა ჭარბწონიან კოვიდინფიცირებულებზე დაკვირვებით დაასკვნეს, რომ კოვიდ-19 იმაზე ბევრ პრობლემას იწვევს მათ ორგანიზმში, ვიდრე სტანდარტულში.
კვლევებმა აჩვენა, რომ მათ უფრო ხშირად ესაჭიროებოდათ სუნთქვის აპარატზე შეერთება, რადგან რეგულარულად განიცდიდნენ ჟანგბადის ნაკლებობას.
⚪ ხშირად, სიმსუქნე გულის დაავადებებსა და სისხლძარღვების დაზიანებას იწვევს
ჭარბწონიანებს, როგორც წესი, გულ-სისხლძარღვთა პრობლემები აწუხებთ. მათ აქვთ ისეთი დაავადებები როგორებიცაა, დიაბეტი და არტერიული წნევა. მეცნიერების აზრით, კი კოვიდ-19-ის მკურნალობა რთულად მიმდინარეობს იმ ადამიანებში, ვისაც თანხმლები დაავადებები აქვთ.
აგრეთვე, ჭარბი წონის მქონე ადამიანების სისხლში დიდია შედედების ტენდენცია.
⚪ სიმსუქნე აზიანებს იმუნურ სისტემას
სიმსუქნე იწვევს სხეულის ქრონიკულ ანთებას, რაც თრგუნავს იმუნურ სისტემას და შესაბამისად, ორგანიზმს ეკარგება ფუნქცია ებრძოლოს არამარტო კოვიდ-19-ს, არამედ სხვა ვირუსებსაც.
⚪ სიმსუქნე აძნელებს სუნთქვას
მუცლის ღრუში ზედმეტი ცხიმი აწვება დიაფრაგმას, ამცირებს ფილტვებში ჰაერის ნაკადს და სუნთქვას ართულებს, მაშინაც კი, როდესაც რესპირატორულ ინფექციას არ ებრძვით. სწორედ ეს პროცესი ართულებს კოვიდ-19-ის მკურნალობას.
