გუშინ, 31 ოქტომბერს ჩატარებულ არჩევნებს საზოგადოების ნაწილი „ტოტალურ გაყალბებად“, „არჩევანის უფლების წართმევად“ და „თავზე დახეულ არჩევნებად“ აფასებს. ამის დასტურად კი არასწორად ან არსრულყოფილად შევსებული ოქმები მოჰყავთ, რომელთაც სოციალურ ქსელებში ავრცელებენ.
გთავაზობთ, რამდენიმე მაგალითს.
პირველ ფოტოზე მოცემული ოქმის მიხედვით, არჩევნებზე 817 ამომრჩეველი გამოცხადდა. ბიულეტინების ჯამია - 632. 185 ბიულეტინი, უბრალოდ, გაქრა. 
უცნობია, რომელი უბნის ოქმებია მოცემული ფოტოზე. ისინი, თითქმის, შეუვსებელია.
ამ ოქმის მიხედვით კი, უბანზე, სადაც 36 ადამიანი მივიდა, „ქართულ ოცნებას“ ხმა 48 ამომრჩეველმა მისცა. 
ბათუმის ერთ-ერთი უბნის ოქმის მიხედვით, არჩევნებზე 795 მოქალაქე გამოცხადდა, მაგრამ ხმების დათვლის შემდეგ 3164 ბიულეტინი მიიღეს. აღსანიშნავია ისიც, რომ უბანზე სულ 1450 ბიულეტინი ჰქონდათ.
