შესაძლოა, სიგარეტის მოწევა საკუთარ ავტომობილებსა და ტაქსებში აკრძალონ - პროექტი პარლამენტისთვის წარსადგენად უკვე მზად არის.
დოკუმენტში დაფიქსირებულია, რომ საკუთარ მანქანაში სიგარეტის მოწევა იმ შემთხვევაში უნდა იყოს კანონდარღვევა, თუ მანქანაში არასრულწლოვანიც იქნება.
პროექტის მიხედვით, მოწევა საერთოდ იკრძალება ტაქსებში.
შეგახსენებთ, რომ ქვეყანაში უკვე 3 წელიწადზე მეტია თამბაქოს მოხმარება ყველა საჯარო შენობა-ნაგებობსა და საზოგადოებრივ ტრანსპორტში აკრძალულია.
