მთავრობის აკრძალვის მიუხედავად, ხაშურში გრანდიოზული ქორწილი გაიმართა. დარბაზი სადაც ქორწილი გაიმართა, პოლიციის შენობიდან რამდენიმე მეტრში მდებარეობს და სოციალური მომსახურების სააგენტოს ხაშურის ფილიალის ხელმძღვანელის ზაზა ბარბაქაძის ოჯახის წევრს ეკუთვნის.
"ტვ პირველის" ინფორმაციით, დარბაზი მთლიანად გადავსებული იყო. ქორწილი დღის საათებში გაიმართა, რადგან კომენდანტის საათის დროს წვეულებაზე მყოფი სტუმრები არ დაეჯარიმებინათ.ადგილობრივი მოსახლეობა ადასტურებს, რომ ქორწილი ნამდვილად გაიმართა. ისინი აცხადებენ, რომ მუსიკის ხმა ესმოდათ.
