ვინ და რატომ დადის „იფქლის“ პურზე ფეხით - კომპანიის განმარტება

ფოტომ სოციალური ქსელების მომხმარებლების აღშფოთება გამოიწვია. „დაიჯესტი“ მომხდარის გასარკვევად კომპანიას დაუკავშირდა:

როგორც „იფქლში“ განგვიცხადეს, ფოტო ძველია, თუმცა, რეალურია. მათივე თქმით, მაღაზიიდან მობრუნებული ძველი და საკვებად უვარგისი პროდუქტი ერთ-ერთმა ფერმერმა ცხოველებისთვის შეიძინა. სატვირთოზე ასახული ადამიანი კი, ამ ფერმერის მიერ დაქირავებული პირი იყო:

„ეს ფოტო ზაფხულშია გადაღებული. ფოტოზე, არც ჩვენი დისტრიბუტორია და არც ჩვენი კომპანიის რომელიმე თანამშრომელი. უბრალოდ, მაღაზიიდან დაბრუნებული პური ერთ-ერთმა ფერმერმა ცხოველებისთვის შეიძინა. ფოტო ამ პურის ტრანსპორტირების დროსაა გადაღებული“, - განუცხადა „დაიჯესტს“ „იფქლის“ წარმომადგენელმა.

⚪ აგრეთვე წაიკითხეთ:

როგორ ვიპოვოთ გამოსავალი პანდემიიდან? - „შოუ უნდა გაგრძელდეს!“

ქართული პირბადე მსოფლიოს 5 საუკეთესო დიზაინერულ პირბადეს შორის დასახელდა