უცხოეთში მოღვაწე ქართველი მომღერალი, თამარ ივერი სოციალურ ქსელში ტელევიზიებსა და ქართულ ტელეეთერებზე წერს. ამბობს, რომ მათი ყურება არ შეუძლია და ეს ყველაფერი ძალიან აღიზიანებს, ამისთვის კი საკმარისზე მეტი მიზეზი აქვს.
„თქვენი არ ვიცი,მაგრამ პირადად მე,პოლიტიკოსია,მედიის წარმომადგენელი თუ ვინმე საჯარო პირი....ჯერ მის ჰაბიტუსს,საუბრის მანერას,ხმას,დადებით აურას და მშვიდ,დამაჯერებელ ტონს ვაკვირდები და უკვე ამის შემდგომ მაინტერესებს მისი იდეები და მსოფლმხედველობა.
დღევანდელი ტელეეთერი კი წალეკილი აქვთ ფსიქიკურად ისეთ გაუწონასწორებელ, ნევროზულ,თითქმის ყვირილში გადასულ ადამიანებს..პოლიტიკოსი იქნება ეს თუ მედიის წარმომადგენელი რომ მათი პირიდან სულ რომ 100000%-ნი ჭეშმარიტება იღვრებოდეს..."არა"!! No thanks!! ა რ მ ი ნ დ ა!!! არ მინდა იმიტომ რომ უპირველესყოვლისა, ჯერ მათი ყურება მღლის! მათი მუდამ დაძაბული,აგრესიული ტონი მღლის,(რასაც მათდა სამწუხაროდ თავად ვერ გრძნობენ) !!! მათი 220 ვოლტზე შეერთებულივით შეშლილი თვალების ყურება მაშინებს!
"ვამბობ-წყალი არ გაუვა!!" საუბრის მანერა და მისი კამერაში თვალების გაყრები მაღიზიანებს!
საუბრის აგრესიული,საკუთარი აზრის თავს მომხვევი,ხისტი მანერა მაღიზიანებს! გაუწონასწორებელი ქაოსური ხელების ქნევა, განსაკუთრებით საჩვენებელი თითის ტრიალით „დედას გიტირებთ" პრინციპით საუბარი მაღიზიანებს! მაგიდაზე მუშტების კაკუნით რაიმის მტკიცება მაღიზიანებს! ოპონენტისთვის საუბრის არ დაცლა,პირში შეჩრა,პირად შეურაცხყოფებზე გადასვლა და საკუთარი აზრის ყველაფრის ფასად, ხშირად უკვე ყვირილის ხარჯზე გატანა მაღიზიანებს! დღენიადაგ, ყოველი საუბრის: "ესენი უნდა წავიდნენ!" ფრაზებით დაწყება....შემდეგი ორი საათი ზემოდ აღწერილ ფსიქოტერორის რეჟიმში ლანძღვა-ფურთხება-გინების კორიანტელი" და ბოლოს თითის ქნევით"მალე ჩვენი დრო დადგება!!" ჰეფი ენდის სტილში საუბრის დამთავრება მაღიზიანებს!გაჭირვებული მოსახლეობისადმი ყალბი თანადგომის და თანაგრძნობის გამოხატვაშიც აგრესიის ჩადება (ისიც,მხოლოდ მთავრობისადმი მუქარის,"დედის ტირების" ხარჯზე) ანუ.....ხალხისადმი "ლანძღვა-გინებითი თანაგრძნობა": "ამ დღეში თქვენ ამ დედ@@@@ლებმა ჩაგაგდეს, მაგრამ ჩვენ გადაგარჩენთ" სტილში საუბარი მაღიზიანებს! კი ბატონო!! წავლენ!! ადრე თუ გვიან წავლენ! არაფერია სამუდამო,მაგრამ ფაქტი ისაა რომ თქვენ და თქვენისთანა აგრესიულ,მყვირალა, ფსიქიკურად გაუწონასწორებელ "ტელე-ფეისებს" არ უნდა გადაეცეთ ესტაფეტა! გავმეორდები: სულ რომ 10000000000% -ნი სიმართლეს ამბობდეთ! იმიტომ, რომ დაიღალა და გამოიფიტა ხალხი ამდენი ფურთხით, აგრესიით, ფსიქოტერორით! დაიღალა ამ მუდმივად რევოლუციური, მყვირალა,მკივანა,მოღრიალე, მსტვენარა, ნიშადურების და საღებავების მქნევარა "20% ოც-პროცენტა" სიფათებით! (ვითომ ჩვენ ნაკლებად განვიცდიდეთ ოკუპაციას) საბრალო ხალხს მშვიდი და გაწონასწორებული სახეები მოენატრა, სიყვარული მოენატრა, რაღაცის რწმენა მოენატრა, მორალი და ზნეობა მოენატრა,
თვითმყოფადობა მოენატრა მათ ისედაც სტრესულ, დუხჭირ ცხოვრებაში დადებითი აურის, მშვიდად მოუბარი ადამიანები მოენატრათ! ამ ზემოთ აღწერილი ნატურის პოლიტიკოსთა და მედიის წარმომადგენელთა ხელში კი, ისინი სულაც რომ ზებრწყინვალედ და ზეპროგრესულად აზროვნებდნენ. ქვეყანა მშვიდი, გაწონასწორებული, სტაბილური და შესაბამისად წარმატებული არასოდეს არ იქნება! ის მუდამ დენთის კასრზე იჯდება როგორც შიდა ისე საგარეო "ფრონტზე"! ყველასათვის ცნობილია რომ მსოფლიო ისტორიაში, სწორედ ასეთ მყვირალა, რევოლუციონერ, ფსიქო გადახრილ მაგრამ საკმაოდ ჭკვიან, ზეგანათლებულ და ზეპროგრესულად მოაზროვნე ლიდერებს მიჰყავდათ ქვეყნები სრულ კოლაფსამდე! რა ჯანყი ბუნება, ხასიათი და აგრესიაც ქვეყნის მმართველ ადამიანებში დევს-ის თვისებები და მათი გავლენა ქსეროასლივით გადაეცემა მის ქვეყანას! ზიგ ჰაილა ადოლფას, დუჩეს და Отец Народа-ს მიერ დაჰიპნოზებული ქვეყნებიც ამის ნათელი მაგალითია! სიყვარული და სიმშვიდე გადაგვარჩენს",- წერს თამარ ივერი.
⭕ასევე დაგაინტერესებთ:
„მართლა არ მჯერა, რომ ჩემია"- ნუცა ქავთარაძე შვილთან ერთად გადაღებულ ფოტოებს აქვეყნებს
„როგორ უნდა გავაგრძელო ცხოვრება...“ - სტეფანე მღებრიშვილი მიმართვას ავრცელებს
