მას შემდეგ, რაც უმაღლესი რადას დეპუტატმა, ელიზავეტა იასკომ სოციალურ ქსელში ვიდეო გამოაქვეყნა, რომელშიც საქართველოს მესამე პრეზიდენტი, მიხეილ სააკაშვილი ამბობს, რომ მასთან ერთად ოჯახი შექმნა, მისი პერსონის მიმართ ინტერესი გაასმაგდა.
ჩვენ მოვიძიეთ ელიზავეტა იასკოს შესახებ ინფორმაცია და როგორც გავარკვიეთ, ის 1990 წლის 17 ოქტომბერს, კიევში დაიბადა. დღეს პროფესიით ფილოლოგი, პოლიტოლოგი, პოლიტიკოსი, კულტურის საკითხებში ექსპერტი და უკრაინის უმაღლესი რადას დეპუტატი ელიზავეტა იასკო 31 წლის გახდა.
დაბადების დღის აღსანიშნავად, მან საკუთარი ფოტო სოციალურ ქსელში გამოაქვეყნა და დაწერა:
„დღეს 31 წლის ვარ. გამოწვევები და რთული სიტუაციები იზრდება, მაგრამ წინ მივდივარ. ვიცი რაც მინდა და ვიცი, რისიც მჯერა. მჯერა სიყვარულის. მჯერა უკრაინის. ვგრძნობ ბევრ რამეს. ხშირად მიმძიმს. ამბობენ, პოლიტიკა სქელკანიანი ადამიანებისთვისაა, მაგრამ ამას არ ვეთანხმები.
პოლიტიკა ნამდვილად მაღალია მხოლოდ გამბედავებისთვის. ვისაც შეუძლია იგრძნოს. იმისთვის, რომ იყო ბრძენი. დაიჭირე წამი და წინ გაუძეხი.
როგორ შეგიძლიათ შეიგრძნოთ საზოგადოება გრძნობების გარეშე? არ ვიცი, სხვაგვარად როგორ შეიძლება. არასდროს შეწყვიტოთ სხვების გაოცება.
ბოლო რამდენიმე კვირა ძალიან რთული იყო, ხალხმა იცის ეს კრიზისული სიტუაციები. და ცოტას, ვინც ადამიანობას ტოვებს, აქვს ფართო სული, გული და პასუხისმგებლობის აღებისა და ნაბიჯების გადადგმის უნარი.
მაგრამ თუკი ასეთი ადამიანები არსებობენ - ეს უდიდესი ფასეულობაა. და ჩემს გარემოში ისინი არიან. ცოტა, მაგრამ არიან.
მიხარია, რომ გასულ წელს უფრო მეტად დავინტერესდი ხელოვნებით და მასობრივი ინფორმაციის საშუალებებით, რადგან ამის ნამდვილად მჯერა. მიხარია, რომ დავიწყე უკრაინის რეგიონების მონახულება, სამხედროებთან და სხვადასხვა ეროვნების წარმომადგენლებთან საუბარი. მიხარია, რომ წელს პოლიტიკურად ვიზრდები.
და ის, რაც აღმოვაჩინე ორივესთვის - ჩემთვის და სხვებისთვის, ეს არის - „როგორ ჟღერს უკრაინა“.
ბედნიერი ვარ, რომ მყავს ჩაკრა {ძაღლი}.
და უფრო და უფრო მიყვარს უკრაინა. არ ვიცი როგორ, მაგრამ ამას ძალიან ვგრძნობ“, - წერს ლიზა იასკო და მიხეილ სააკაშვილთან ერთად გადაღებულ ფოტოებს აქვეყნებს.
