ცნობილი მებაღე და გარდენიას შემქმნელი ზურა შევარდნაძე სოციალურ ქსელში პოსტს აქვეყნებს და ბოლო დროს განვითარებული მოვლენების გამო, ტურისტები საქართველოში არ ჩამოსვლაზე წერს.
მისი თქმით, პლეხანოვზე არსებულ მის ბინაში, რომელიც ტურისტებზე ქირავდებოდა, ბოლო დღეების განმავლობაში, რამდენიმე ჯავშანი გაუქმდა.
„გაწბილებული ვარ.
არც ბოლოთქმას გავუკეთებ, არც თავში ვიტყვი რამეს, უბრალოდ პატარა ამბავს დავწერ.
პლეხანოვზე, ძველ თბილისურ ეზოში, ერთი თხუთმეტკვადრატულმეტრიანი ოთახი მაქვს, ლამაზად მოწყობილი, ტურისტებზე ვაქირავებ.
გაგანია პანდემიისას ადამიანი რომ არ ჭაჭანებდა მაშინაც კი გაქირავებული იყო.
ბევრი მადლიერი და მადლობელი სტუმარი მყოლია ამ წლების მანძილზე.
წლევანდელი ივლისი, აგვისტო, სექტემბერი, ახალ წლამდე დაჯავშნილია სულ.
გუშინ და გუშინწინ ოთხი ჯავშანი გაუქმდა.
ახალგაზრდა ოჯახმა ავსტრიიდან, ზალცბურგიდან რომლებმაც 11 მაისს დაგვიკვეთეს ოთახი მოკლე წერილი გამოგვიგზავნეს, სამი ბოდიშით.
დიასახლისს, რომელთანაც ჰქონდათ ურთიერთობა, წერენ:
"ქეთევან, საქართველოში სამოგზაუროდ ჩამოსვლას, დიდი ხანია ვგეგმავდით, ძალიან გვიხაროდა და ვემზადებოდით.
კადრები, რომელიც ვნახეთ გვაშინებს და ამ ეტაპზე გადავწყვიტეთ თავი შევიკავოთ.
ბოდიში, ბოდიში, ბოდიში."
დანარჩენმა სამმა სტუმარმა ბოდიშიც არ მოიხადა, უბრალოდ გააუქმა ჯავშანი.
წერტილი...“- წერს შევარდნაძე.
აგრეთვე დაგაინტერესებთ:👇
🔵 რას ამბობს ლევან რატიანი „დელტა“ შტამის სიმპტომებზე და მოსალოდნელ საფრთხეზე
🔵 VIDEO: „ცრემლების გარეშე ვერ უყურებთ, უმძიმესი სანახავია…“
