14 წლის გიორგი ვენკოს ამბავმა სოციალურ ქსელი დაიპყრო. გავრცელებული ინფორმაციით, პატარა ბიჭმა სკოლაში საქველმოქმედო აქციაზე 40 ათასი ევრო შეაგროვა და ბროწლიანის სათნოების სახლს მოახმარა. როგორც ირკვევა, გიორგის ძმაც ქველმოქმედებითაა დაკავებული.
„იცნობდეთ 14 წლის გიორგი ვენკოს. მან სკოლაში საქველმოქმედო აქციაზე, ასევე, მსოფლიოს მასშტაბით, 40 ათასი ევრო შეაგროვა და ბროწლიანის სათნოების სახლს მოახმარა. წყალი გაუყვანა და სახურავი გამოუცვალა.
წარმოგიდგენიათ? თანაც, მან ეს 13-14 წლის ასაკში მოახერხა. მიდგა, მოდგა, ვის აღარ მიმართა, საქველმოქმედო კონცერტიც გამართა და აი ასე, ამდენ ადამიანს პირობები გაუუმჯობესა.
გიორგიმ საქველმოქმედო ფონდიც შექმნა - ,,დავეხმაროთ საქართველოს". ის არაერთი იდეის განხორციელებას აპირებს. ის დედით ქართველია, მამით - ამერიკელი. ჰოლანდიაში ცხოვრობს. დედისგან სწორედ იქ გაიგო ბროწლიანის პრობლემაზე. მისი 2 წლით უმცროსი ძმა ლევანიც ქველმოქმედია. ის წნორის მოხუცთა თავშესაფარს ეხმარება. ასაკს დიდი მნიშვნელობა არ აქვს. მნიშვნელობა აქვს მოტივაციას, მიზანდასახულობას, ადამიანების სიყვარულს. დიდი მადლობა, გიორგი", - წერს სოციალური ქსელის მომხმარებელი.
ასევე დაგაინტერესებთ👇
🔵„ეს ძალიან მაგარი ამბავია და უკიდურესად საჭირო" - რაზე წერს ნიკა გვარამია
