საქართველოში ანუ პატარა კუდაბზიკეთში ბრენდულად ჩაცმა დიდი გამოწვევაა - რაც უფრო ძვირიანია შენი სამოსი, საზოგადოების თვალში მით უფრო ძვირი ხარ შენ. ქართველი ცნობადი სახეები ამ მიდგომას მაქსიმალურად იყენებენ და ზოგჯერ, მთელი ბიუჯეტის სამოსსა თუ აქსესუარებში დახარჯვისთვისაც მზად არიან.
დღეს ეს თემა ნიკა მელიას „ბარბერის“ ძვირად ღირებულმა ქურთუკმა გახადა აქტუალური, რომლის ფასი „ბარბერის“ ოფიციალურ საიტზე 1350 დოლარია.
მოდი, თვალი გადავავლოთ ქართველი პოლიტიკოსების ლუქებს და მათი ბრენდული ვოიაჟები გავიხსენოთ:
მიხეილ სააკაშვილმა „ბალენსიაგას“ ლურჯი ბოტასები მოირგო, რომელიც 895$-ს ღირდა.
საქართველოს ყოფილი პრეზიდენტი, რომლის ხელსაც წლების წინ 8 ათას დოლარად ღირებული „ომეგას“ ფირმის ოქროს საათი ამშვენებდა, მთავარი განხილვის თემა იყო. კონკრეტულად, რომელი საათის ფასია ეს უცნობია, თუმცა რთულია იპოვო ფოტო, სადაც მას საათი არ უკეთია.
რაც შეეხება ჩვენს ამჟამინდელ პრეზიდენტს სალომე ზურაბიშვილს, რომელიც ჩაცმულობის გამო, ხშირად ექცევა ყურადღების ცენტრში, ერთ-ერთ ღონისძიებაზე 45 ლარიანი „მალსში“ნაყიდი კაბა ეცვა.
მარიამ ქვრივიშვილი, წელს „ქართული ოცნების“ გუდნმა საარჩევნო სიაში მე-8 ნომრად შეიყვანა, ის წინა წლის თებერვალში ტურიზმის ეროვნული ადმინისტრაციის ხელმძღვანელის პოსტზე დაინიშნა და ამ თანამდებობას დღემდე იკავებს.
ქვრივიშვილი, ფლობს, Rolex-ის საათს, რომელიც 2016 წელს საჩუქრად მიიღო და მისი ღირებულება 10 000 აშშ დოლარია. ამავე ბრენდის მეორე საათი, მარიამ ქვრივიშვილმა 2017 წელს შეიძნა და მასში 12 000 აშშ დოლარი გადაიხადა.
საათებში ფულის დახარჯვა „ქართული ოცნების“ გუნდს არ ენანება, „სტრატეგის აღმაშენბლის“ ლიდერმა გიორგი ვაშაძემ ვიდეო გაავრცელა სადაც, უმრავლესობის ლიდერბს ძვირადღირებული საათები უკეთიათ.
