გოგონა ახმეტაში დაიბადა, დედა პანკისელი ქისტი ჰყავს. 5 წლისას მამა გარდაეცვალა. ბიძამ ოჯახი ღია ცის ქვეშ დატოვა.
წლების მანძილზე ნათესავებთან სამოწყალოდ ცხოვრობდნენ, რის გამოც გოგონამ 11 სკოლა გამოიცვალა.
იურიდიულ ფაკულტეტზე ჩააბარა, რათა მამის დატოვებული ქონება დაებრუნებინა. სანამ უნივერსიტეტი დაამთავრა ხანდაზმულობის ვადა გავიდა, ქონება ვეღარ დაიბრუნა. უნივერსიტეტის დამთავრების შემდეგ ადვოკატობას მიჰყო ხელი.
🔘 დაკარგული ქონება
„ბავშვობაში, სწორედ კანონებისა და უფლებების უცოდინრობის გამო, ოჯახმა დავკარგეთ მამის დანატოვარი ქონება და სტუდენტობის ბოლომდე, სანამ მუშაობა არ დავიწყე და არ შევიძინე ბინა, უსახლკაროდ ვიყავით.
წარუშლელია ბავშვობის მოგონებები, რთულმა ცხოვრებამ ბევრ რამეზე დამაფიქრა და ადრეულ ასაკში ჩამომიყალიბდა არჩევანი, რომ ადვოკატი გამოვსულიყავი.
მიმაჩნია, რომ აუცილებელია, ყოველ ოჯახში იყოს იურიდიული განათლების მქონე, ჰყავდეს მრჩეველი. დანამდვილებით ვიცი, მეტი იურიდიული განათლება რომ გვქონოდა, ასეთი რამ არ მოხდებოდა.“
🔘 მეორე ქორწინება
„ლევანმა ჩემი ცხოვრება გაამდიდრა და ჩემს ცხოვრებას აზრი შესძინა. მის გამოჩენამდე თავს ძალიან ცუდად ვგრძნობდი, პეპელასავით დავფარფატებდი. ქალისთვის აუცილებელია გვერდით მეორე ნახევარი. როდესაც პირად ცხოვრებაში ხარ რეალიზებული და მყარი, ეს საქმეზეც აისახება.
რაც უნდა გაღიზიანებული და განერვიულებული ვიყო საქმის გამო, ვიცი, რომ ლევანი ყველაფერს გამიგებს და დამიცავს.“
შვილებისთვისაც საოცარი მამაა. თუ მე ვერ ვაკეთებ რაღაცას ბევრი საქმის გამო, მაინც მშვიდად ვარ, რადგან ვიცი, ლევანი ყველაფერს გააკეთებს, რომ მე არ ვინერვიულო. ოჯახში ბევრ რამეს ჩემ მაგივრად აკეთებს.
საერთოდ ოჯახი ქალზე დგას, მაგრამ გადაწყვეტილებების მიმღები მაინც მამაკაცია და ჩემ შემთხვევაში – ლევანი.
ყველაფერს ვეკითხები, მის გარეშე სურვილიც არ მაქვს, რაიმე ოჯახური გადაწყვეტილება მივიღო. სახლში დაგვიანების მიზეზს ყოველთვის ვეუბნები.
სადმე წავიდეთ თუ არა, ამასაც ვეკითხები, მაგრამ ამავდროულად ოჯახში დიდი როლი მაქვს და ყველაფერს ვაკეთებ იმისთვის, რომ ყველაფერი საჩემოდ გადაწყდეს.
🔘 დედის ამპლუა
მკაცრი არ ვარ. მე თვითონ დედის მხრიდან ძალიან დიდ სიმკაცრეში გავიზარდე. რამდენადაც მკაცრად მზრდიდნენ, იმდენად ლმობიერი ვარ ჩემს შვილებთან.
არასოდეს ვერევი მათ ცხოვრებაში, თავისუფლებას და დამოუკიდებლობას ვაძლევ ყველაფერში, თუმცა, რა თქმა უნდა, რაღაცებს მაინც ვაკონტროლებ. სკოლის ნიშნებს არ ვამოწმებ. სამაგიეროდ ლევანი ხშირად იბარებს ჩემი უფროსი შვილის, გიორგი-არბის გაკვეთილებს.
პატარა ალექსანდრე კი ძალიან ცუღლუტია, ხასიათით მამას ემსგავსება, მსახიობის ნიჭი აქვს, გარეგნობით კი მე მგავს.
🔘 ფსიქიკურად ავადმყოფი ძმა
მარიამს 5 წლით უფროსი ძმა ჰყავს, რომელიც ასევე, პანკისელი ქისტია და როგორც თავად ამბობს, ფსიქიკურად ავადმყოფია.
როდესაც პროექტ „ცეკვავენ ვარსკვლავებში“ მივიღე მონაწილეობა ძმამ მომწერა, რომ ამას არ მაპატიებდა. თუ ჩეჩნური წესით აპირებს ჩემზე შურისძიებას, ანდერძს დავტოვებ, რომ ცუდის გაკეთება არ მინდა, უბრალოდ მინდა, დავამტკიცო, რომ მონდომებას შედეგი მოაქვს და მიუღწეველი არაფერია.
🔘 მაჩალიკაშვილის საქმე
კუბლაშვილი პანკისის ოპერაციის დროს დაჭრილი 19 წლის თემირლან მაჩალიკაშვილის შესახებ წერდა რომელიც, მისი ნათესავია და თავად აპირებდა ამ საქმესტან შეჭიდებას.
მარიამმა დაწერა, რომ თემირლანს მეორედ შუბლში ესროლეს....
„თემირლან მაჩალიკაშვილი. 19 წლის. როგორც ოჯახის ახლობლებმა მითხრეს დაჭრილია ჯერ მხარში, შემდეგ კი შუბლში, სასიკვდილოდ ესროლეს. თემირლანს პირადად არ ვიცნობ, თუმცა ჩემი ნათესავია, სწავლობს თბილისში, როგორც ახასიათებენ წესიერი და მშვიდი ბიჭია.
ვიცნობ მამას – ვახტანგ მაჩალიკაშვილს, რომელიც პანკისში დიდი ავტორიტეტით სარგებლობს, გვარის უფროსია.
წესიერი და პატიოსანი ოჯახია. მისი მისამართით სროლა განხორციელდა მწოლიარე მდგომარეობაში, საკუთარ სახლში.
დაკავება თავისუფლად შესაძლებელი იყო თბილისში. რა მოხდა, რა ხელყუმბარაზეა საუბარი, რომლითაც თემირლანი თავდაცვის მიზნით ვითომდა საკუთარ მშობლებს და სახლს ააფეთქებდა გაურკვეველია, ლოგიკურ კითხვას ბადებს, თუ რატომ ესროლეს საკონტროლო გასროლით ხელმეორედ პირდაპირ შუბლში?“-წერდა კუბლაშვილი.
🔘 მის კახეთი
„მის კახეთის ფერია“ ჩემთვის ულამაზესი მოგონებაა. ამ სილამაზის კონკურსში რომ გავიმარჯვე, 10 წლის ვიყავი.
🔘 აგრეთვე წაიკითხეთ:
სამართალდამცველს ცოლი მოუკლეს და მკვლელობის ადგილას თავად გამოიძახეს - სისხლიანი შურისძიება
სიღატაკე და ეჭვიანი მეუღლე - რატომ არ აჩენდა შვილს მეღვინეთუხუცესისგან გურანდა გაბუნია
