ადამიანებს, რომლებსაც საჯაროობას პროფესიული საქმიანობა ავალდებულებთ, ძალიან ხშირად ვხედავთ ტელეეკრანებზე. ვიცნობთ, როგორც პოლიტიკოსებს, ექიმებს, მოდელებს, ტელეწამყვანებსა და სამართალმცოდნეებს, თუმცა, თითქმის არაფერი ვიცით მათი საჯარო ცხოვრების მიღმა დარჩენილ ადამიანურ ტრაგედიებზე.
გაგაცნობთ, რამდენიმე ცნობილ ადამიანს, რომლებმაც ცხოვრებაში უმძიმესი პერიოდი გამოიარეს:
გია ვოლსკი - 3 დიდი ტრაგედია
ქართველი პოლიტიკოსისა და ეკონომისტის გია ვოსლკის ცხოვრებაში 3 დიდი ტრაგედია მოხდა. მას უფროსი შვილი ზუკა ვოლსკი 21 წლის ასაკში გარდაეცვალა. აგრეთვე, დაღუპული ჰყავს დეიდაშვილები, გეგა კობახიძე და დუდუ დადიანი.
„ჯერ იყო ჩემი უფროსი შვილი ზუკა, შემდეგ გეგა კობახიძე, ის ჩემზე 3 წლით უმცროსი იყო, სულ ერთად ვიყავით, მე უფროსი ვიყავი და ყოველთვის ვმფარველობდი მას, ცელქი იყო ძალიან... მერე დუდუს ტრაგედია დაგვატყდა თავს. ეს იყო დიდი ტრაგედია და ვერ გადმოგცემთ იმ ტრაგედიას, რაც გამოვიარეთ“, - ამბობდა გია ვოსლკი ერთ-ერთ ინტერვიუში.
მარიამ ჯაში
პოლიტიკოსი მარიამ ჯაში 28 წლის ასაკში დაქვრივდა.
„18 წლის ვიყავი, როცა დავქორწინდით. დათო ჩემი უახლოესი მეგობრის ქორწილში გავიცანი. ის 22 წლის იყო, წარმოუდგენლად ძლიერი, პრინციპული, მუდმივად მზრუნველი. მასთან ერთად ჩემი ცხოვრება ყვავილებით სავსე იყო. სიურპრიზები უყვარდა, ძალიან ლამაზად შეეძლო რაიმეს შეფუთვა და მორთმევა. 10 წელი ვიყავით ერთად და ყოველი დღე საინტერესო იყო“,- ამბობდა ჯაში ერთ-ერთ ინტერვიუში.
მარინა ენდელაძეს ახალგაზრდა შვილი დაეღუპა
თბილისის ინფექციური საავადმყოფოს ბოქსირებული განყოფილების ხელმძღავნელს მარინა ენდელაძეს ერთადერთი შვილი, იურისტი ირაკლი ძიმისტარაშვილი 2017 წლის 28 მარტს მოულოდნელად გარდაიცვალა.
ირაკლი ანტალიაში დაიღუპა, სადაც 13 წლის შვილი საჩოგბურთო ტურნირზე ჰყავდა წაყვანილი.
ამირან გამყრელიძეს შვილი დაეღუპა
საქართველოს დაავადებათა კონტროლის ცენტრის ხელმძღვანელს 1995 წელს 20 წლის შვილი გიგი გამყრელიძე ავარიაში დაეღუპა. ამ ტრაგედიის შესახებ გამყრელიძეს საჯაროდ არასდროს უსაუბრია.
ჯანეტ ქერდიყოშვილი
ახალგაზრდა მოდელს ჯანეტ ქერდიყოშვილს პატარა და ჰყავს დაღუპული. ჯანეტი სახლში ძმასთან ერთად იყო, როცა მისი ძმა მაღაზიაში ტკბილეულის საყიდლად იყო ჩასული, რა დროსაც კარზე უცხო ადამიანმა დააკაკუნა, პატარამ კი ფანჯრიდან ძმას დაუძახა, წონასწორობა ვერ დაიცვა და გადავარდა.
მაია ასათიანის შვილი
ტელეწამყვან მაია ასათიანს 18 წლის შვილი ნუცა მახვილაძე დაეღუპა. ნუცა საფრანგეთში სასწავლებლად იყო წასული. ის მენინგოკოქცემიის დიაგნოზით გარდაიცვალა.
