ცნობილი სახეები არათუ საკუთარ პირადს, სვების ამბებსაც აღარ მალავენ და კოლეგების „აუტანლობაზე“ ღიად საუბრობენ, ხოლმე. ვარსკვლავური პაექრობები ქართული შოუ-ბიზნესის ნაწილად იქცა.
ამ სტატიაში იმ სელებრითების შესახებ გიამბობთ, რომლებიც ერთმანეთს ვერ იტანენ.
შორენა ბეგაშვილი და ია ფარულავა
„რუსთავი 2”-ის ეთერში შორენა ბეგაშვილის გადაცემაის „შორენას ეფექტის“ ერთ-ერთი სტუმარი ია ფარულავა იყო.
მსახიობმა გადაცემის სტუმარს ძველი წყენა გაახსენა, მათი დიალოგიდან გაირკვა, რომ ბეგაშვილი და ფარულავა ერთმანეთს გამარჯობასაც კი არ ეუბნებოდნენ.
როგორც გადაცემაში სტუმრად მყოფმა ია ფარულავამ განაცხადა, წლების წინ ბევრი ვინმე ეზიზღებოდა, თუმცა შემდეგ დაბრძენდა და აღარ არის „ისეთი კეთილ...ი, როგორიც იყო“. „შესაბამისად, არავის მიმართ შუღლი არ მაქვს, რადგან მიმაჩნია, რომ ბოროტება ძალიან აბერებს და რადგანაც ვარ ძალიან უბოროტო, გამოვიყურები ძალიან კარგად“, – აღნიშნა მსახიობმა.
ლელა წურწუმია და ია ფარულავა
ია ფარულავას ხმაურიანი განცხადებები დღეს არავის უკვირს.
ერთ-ერთ გადაცემაში, სადაც სასაუბრო თემა კასტრაცია გახლდათ, ფარულავამ მაგალითისთვის ღია ეთერში განაცხადა, აი, ლელა წურწუმიამ გაუკეთა მამულიჩას კასტრაციაო. როგორც იას ერთ-ერთი მეგობარი ჰყვება მსახიობმა, რა თქმა უნდა, იხუმრა, ხუმრობა ლელასაც ეხერხება და ანეკდოტებსაც მშვენივრად ჰყვება, მაგრამ ფარულავას სახალხოდ ასეთი ხუმრობა ვერ აპატია.
როგორც ამბობენ, საქმეში თავისი მეზობლები და მეგობრები ჩართო, იას მიუგზავნა და ხელწერილი ჩამოართვა, ბოდიში მოახდევინა და პირობა დაადებინა, რომ მას აღარ შეეხებოდა, თუმცა წურწუმიას „რისხვა“ ფარულავას მიმართ ამით არ დასრულებულა. როგორც ამბობენ, ლელა შანსს არ უშვებს ხელიდან, „მტრები“ სხვებთან საუბარშიც რომ არ გალანძღოს და ია ფარულავას საზოგადოების წინაშეც კი არ ესალმება.
ია ფარულავა და გიორგი ნაზღაიძე
ტელე და რადიოწამყვანმა გიორგი ნაზღაიძემ, ია ფარულავას სასამართლოში უჩივლა. ინცინდენტი, რის გამოც მოდელი და რადიოწამყვანი გიორგი ნაზღაიძემ სასამართლოს მიმართა, რადიო „აფხაზეთის ხმის“ გადაცემაში, „ცოტა ყავა და ბევრი ჭორაობა“, მოხდა.
გადაცემის ეთერში სატელეფონო ჩართვის დროს, ია ფარულავამ გიორგი ნაზღაიძეს სიტყვიერი შეურაცხყოფა მიაყენა. რადიოში, ფარულავა ანრი ჯოხაძისა და ნინო ჩხეიძის შემოქმედებაზე საუბრობდა.
შეგახსენებთ, რომ გადაცემა „100%“–ში, ია ფარულავამ მომღერლების შემოქმედება ირონიულად გააკრიტიკა.
ფარულავამ ნაზღაიძეს სთხოვა, მისთვის საუბრის საშუალება მიეცა (რადიოწამყვანმა მას სიტყვა გააწყვეტინა). ამის შემდეგ, ია ფარულავამ, მოუწოდა რადიოწამყვანს „ერთი ადგილი დაეყენებინა“. „მაგ ტრ...ის თამაშმა და შენმა ტრ...მა მიგიყვანა ძალიან ბევრ ადგილას. რა ტყუილს ვამბობ? ეგ ხომ მთელმა თბილისმა იცის“– განაცხადა ფარულავამ პირდაპირ ეთერში.
ამის შემდეგ, რადიოწამყვანმა გიორგი ნაზღაიძემ გადაწყვიტა, ია ფარულავას წინააღმდეგ, სასამართლოში სარჩელი შეეტანა.
„ია ფარულავამ მითხრა, რომ მე თურმე არაწესიერი გზებით მივაღწიე წარმატებას შოუ–ბიზნესში. ია ფარულავასთან არანაირი ურთიერთობა არ მაკავშირებდა. მხოლოდ მისალმებით შემოიფარგლებოდა ჩვენი ურთიერთობა. ჩემი შეურაცხყოფისათვის მოვითხოვ, ბოდიში მომიხადოს. ამასთან, მოვითხოვ ფინანსურ კომპენსაციას და იცოდეს ია ფარულავამ, რომ ეს თანხა ძალიან დიდი იქნება“.
თიკო სადუნიშვილი და შორენა ბეგაშვილი
ალბათ ყველას გახსოვთ, როდესაც თიკო სადუნიშვილს „იმედზე“ გადაცემა „თბილისი ლაივი“ მიჰყავდა. სწორედ მაშინ მოხდა დაპირისპირება თიკოსა და შორენა ბეგაშვილს შორის. ერთ-ერთ საღამოზე უცხო მამაკაცთან ერთად მისულ შორენას მიკროფონიანი თიკო შეეჩეხა და ჰკითხვა თუ ვინ იყო ეს მამაკაცი. შორენამ უპასუხა, რომ იგი მისი შეყვარებული იყო. - მაშინ აკოცეთ ერთმანეთს, - შესთვაზა ბეგაშვილს თიკომ. - კამერის წინ? - გაუკვირდა შორენას. - კამერის წინ უარესები არ გაგიკეთებია? - უპასუხა გადაცემის წამყვანმა.
მოგვიანებით, როდესაც ეს გადაცემა ეთერში გავიდა, თიკოს ამ რეპლიკას პროდიუსერმა შორენას ეროტიკული კადრები დაადო ერთ-ერთ ფილმიდან. როგორც ამბობენ, შორენა თიკოს ამის მერე დასანახად ვერ იტანს.
⚪აგრეთვე დაგაინტერესებთ:
ყალბი ვიზის დამზადების საქმე, რომანები და სხვა სკანდალები ნოე სულაბერიძეზე
ბინა რუსეთში, საბანკო ანგარიშები და მიწის ნაკვეთები - რა ქონებით წავიდა გიორგი გახარია
