მარიამ ქვრივიშვილი, წელს „ქართული ოცნების“ გუდნმა საარჩევნო სიაში მე-8 ნომრად შეიყვანა.
ის წინა წლის თებერვალში ტურიზმის ეროვნული ადმინისტრაციის ხელმძღვანელის პოსტზე დაინიშნა, დღეს კი ცნობილი გახდა, რომ ის საქართველოს ეკონომიკისა და მდგრადი განვითარების მინისტრის მოადგილე გახდა.
ტურიზმის ეროვნული ადმინისტრაციის ხელმძღვანლის პოსტზე დანიშვნამდე, ქვრივიშვილი კომპანია „ვოიაჟერის“დირექტორი იყო, რომელიც საქართველოში ხუთი ავიაკომპანიის გენერალური დისტრიბუტორია.
2019 წლის 4 აპრილს შევსებული ქონებრივი დეკლარაციის მიხედვით, ქვრივიშვილი ფლობს 147 კვ. მეტრი ფართობის ბინას თბილისში, მასვე ეკუთვნის ასევე, მსუბუქი ავტომობილი BMW X6.
ტურიზმის ადმინისტრაციის ხელმძღვანელი მეუღლესთან ერთად ცხოვრობს, თუმცა მისი მეუღლის შესახებ ბევრი ინფორმაცია არ იძებნება, ცნობილია მხოლოდ ის, რომ მისი მეუღლე საკმაოდ დიდ თანხას და საცხოვრებელ ფართებს ფლობს.
ქვრივიშვილი, ასევე ფლობს, Rolex-ის საათს, რომელიც 2016 წელს საჩუქრად მიიღო და მისი ღირებულება 10 000 აშშ დოლარია. ამავე ბრენდის მეორე საათი, მარიამ ქვრივიშვილმა 2017 წელს შეიძინა და მასში 12 000 აშშ დოლარი გადაიხადა.
მარიამ ქვრივიშვილის ძმა, გიორგი ქვრივიშვილია, რომელიც „მოძრაობა ბედნიერი საქართველოსთვის“ და „ლეონიდ ჩერნოვეცკი-ქართული მომავალის“ დირექტორია, იყო ჩერნოვეცკის საარჩევნო შტაბის ხელმძღვანელი და ერთ-ერთი მსხვილი შემწირველიც.
