21 ივნისს ზაფხულის მზებუდობაა - რა უნდა გავაკეთოთ ამ დღეს, რომ წარმატება და იღბალი მოვიზიდოთ

მზის კირჩხიბის ნიშანში გადასვლა განსხვავებულ ენერგიას მოიტანს. თუ ტყუპები გარე სამყაროსთან კავშირს ინფორმაციისა და ურთიერთობების მეშვეობით აძლიერებს, კირჩხიბი ადამიანს საკუთარი შინაგანი სამყაროსკენ აბრუნებს. ამ პერიოდში განსაკუთრებულ მნიშვნელობას შეიძენს გრძნობები, წარსულთან კავშირი, ოჯახური ისტორია და ყველაფერი, რაც შინაგან სიმტკიცეს ქმნის.

მომდევნო კვირებში მნიშვნელოვანი იქნება ძალების აღდგენა, ემოციური წონასწორობის შენარჩუნება, საკუთარ სხეულსა და გარემოზე ზრუნვა. სახლი მხოლოდ საცხოვრებელი სივრცე აღარ იქნება - ის სტაბილურობისა და განახლების სიმბოლოდ იქცევა.

ამ დროს ადამიანები ხშირად ინსტინქტურად ისწრაფვიან სიმშვიდის, წესრიგისა და კომფორტისკენ. ეს არ გულისხმობს რთულ რიტუალებს - უფრო მეტად მარტივ ქმედებებს, რომლებიც შინაგან ჰარმონიას აღადგენს.

ამ პერიოდში სასარგებლოდ მიიჩნევა:

სახლის მოწესრიგება და იმ ნივთებისთვის ყურადღების მიქცევა, რომლებიც ემოციურ მოგონებებს უკავშირდება;

წყალთან კონტაქტი - აბაზანის მიღება, ბანაობა ან განტვირთვის მიზნით წყლის პროცედურები;

კერძების მომზადება, როგორც საკუთარ თავზე და ახლობლებზე ზრუნვის ფორმა;

ოჯახური ფოტოებისა და მნიშვნელოვანი მოგონებების გადახედვა;

საღამოს მშვიდ გარემოში გატარება, ინფორმაციული ხმაურისგან მოშორებით.

ასტროლოგიური თვალსაზრისით, კირჩხიბში მყოფი მზე გარემოსა და ადამიანების მიმართ მგრძნობელობას აძლიერებს. ამიტომ ემოციური კომფორტის შექმნისკენ მიმართული ნებისმიერი ნაბიჯი განსაკუთრებით ეფექტიანი იქნება. ეს უფრო შინაგანი მოწესრიგების დროა, ვიდრე რადიკალური ცვლილებების.

მზებუდობა სიმბოლურად გარდამავალ ეტაპსაც უკავშირდება - წლის ერთი ნაწილი სრულდება, მეორე კი იწყება. ამიტომ მნიშვნელოვანია არა იმდენად ცვლილებების განხორციელება, რამდენადაც იმის გააზრება, თუ რა განწყობით, გამოცდილებითა და მიზნებით შედიხართ ცხოვრების ახალ ეტაპზე.

ზაფხულის მზებუდობის ისტორია

ზაფხულის მზებუდობის აღნიშვნის ტრადიცია უძველესი დროიდან მოდის და თანამედროვე კალენდრებსა და რელიგიურ სისტემებს ბევრად უსწრებს. ეს დღე იმ მომენტს აღნიშნავს, როდესაც მზე ცაზე ყველაზე მაღალ წერტილს აღწევს, რის შემდეგაც დღის ხანგრძლივობა თანდათან მცირდება.

ბევრი უძველესი კულტურისთვის მზებუდობა წმინდა საზღვარი იყო, რომელიც მზის ციკლის ორ ეტაპს ჰყოფდა. ის ბუნების ძალის, აყვავებისა და ამავდროულად მომავალი ცვლილებების სიმბოლოდ მიიჩნეოდა.

კელტები ამ პერიოდს ცეცხლთან და მზის კულტთან აკავშირებდნენ. ბორცვებზე ანთებული კოცონები მზის ძალას, ადამიანებისა და მოსავლის დაცვას განასახიერებდა. ჩრდილოეთ ევროპაში დღემდე შემორჩენილია კოცონების, ცეცხლზე გადახტომისა და მოსავლის დაცვის რიტუალები.

ანტიკურ სამყაროში მზებუდობა მზისა და სინათლის ღვთაებების პატივსაცემად აღინიშნებოდა.

ვისზე იმოქმედებს ეს პერიოდი ყველაზე მეტად?

კირჩხიბის ზოდიაქალური თვე წლის ერთ-ერთ ყველაზე ემოციურ პერიოდად მიიჩნევა. ამ დროს ძლიერდება სახლის, ოჯახის, ახლო ურთიერთობების, უსაფრთხოებისა და შინაგანი სიმტკიცის თემები.

ყველაზე ჰარმონიულად ამ ენერგიას წყლის სტიქიის ნიშნები - კირჩხიბი, მორიელი და თევზები - შეიგრძნობენ. მათთვის ეს ინტუიციის გაძლიერების, ემოციური კავშირების გამყარებისა და შინაგანი ჰარმონიის პერიოდი იქნება.

მეორე მხრივ, ვერძისთვის, სასწორისა და თხის რქისთვის ეს თვე შესაძლოა, უფრო დაძაბული აღმოჩნდეს. მათ მეტი ყურადღების მიქცევა მოუწევთ არა მხოლოდ მიზნებისა და პრაქტიკული საკითხებისთვის, არამედ საკუთარი ემოციური მდგომარეობისთვისაც. ამ პერიოდში სიჩქარეზე მეტად მნიშვნელობა გააზრებულ მოქმედებასა და შინაგანი ბალანსის შენარჩუნებას მიენიჭება.

იმისათვის, რომ ამ დღეს კეთილდღეობა და იღბალი მოიზიდოთ, რამდენიმე რჩევა უნდა გაითვალისწინოთ:

პირველ რიგში, მნიშვნელოვანია, რომ ეს დღე მშვიდად, ჩხუბისა და კონფლიქტების გარეშე გაატაროთ. შემოუშვით თქვენს გულებში მზის ძალა, იყავით ადამიანების, სამყაროს მიმართ კეთილგანწყობილი, მადლიერი, სიყვარულითა და სითბოთი სავსე და ეს ემოცია მთელი წლის განმავლობაში გაგყვებათ.

ძველად, მზებუდობის დღეს ადამიანები ფეხსაცმელს იხდიდნენ და დილით, ცვრიან ბალახზე, ფეხშიშველი მიდიოდნენ. მათ სჯეროდათ, რომ ამ გზით დედამიწას საკუთარ კეთილგანწყობას აგრძნობინებდნენ და საპასუხოდ, სამყაროსგანაც მხარდაჭერას ელოდნენ.

ბევრ ქვეყანაში მზებუდობის დღეს ყვავილებისაგან გვირგვინს აკეთებენ და თავზე იდგამენ. ითვლება, რომ ამ გზით თქვენთან განახლებულ ენერგიასა და შემართებას შემოუშვებთ.

თუ შესაძლებელია, ამ დღეს დაკავდით მებაღეობით. ყურადღება მიაქციეთ თქვენს მოსავალს, იზრუნეთ ყვავილებზე, მცენარეებზე - ადამიანები თვლიდნენ, რომ მსგავსი ფორმით უხვმოსავლიანობის, ხვავისა და ბარაქის მოზიდვა შეეძლოთ.

მორთეთ თქვენი სახლი ყვავილებით, მცენარეებით - ასე სივრცეში დადებით ენერგიასა და სიცოცხლის ხალისს შეიტანთ.

დაკავდით იოგითა და მედიტაციით და შინაგანი შიშებისა და შფოთვებისაგან გათავისუფლდით. დაუთმეთ თქვენი გული კეთილ ზრახვებსა და სიყვარულს და სამყაროც იმავე ემოციით გიპასუხებთ.

⭕ ასევე დაგაინტერესებთ:

🎥 რა მოხდა ორთაბრძოლის შემდეგ - გეიჯისა და თოფურიას კადრი, რომელიც სოციალურ ქსელში ვირუსულად გავრცელდა

⭕ნინი ბადურაშვილი თამუნა ამონაშვილის უსაყვარლეს ტყუპებთან ერთად გადაღებულ ფოტოს აქვეყნებს

⭕როგორი ამინდია მოსალოდნელი 17 ივნისს საქართველოში - პროგნოზი ქალაქების მიხედვით

წყარო: www.beaumonde.ge