ნათელმხილველი, პარაფსიქოლოგი ცირა კუპრაშვილის წინასწარმეტყველებები ბევრჯერ გამართლდა, სწორედ ესაა მიზეზი იმისა, რომ საზოგადოებაში დიდი პოპულარობით სარგებლობს. ის მოსალოდნელ კატასტროფებზე, ცვლილებებსა და მოვლენებზე აქტიურად გზავნის მთავარ „მესიჯებს“ საზოგადოებაში სოციალური ქსელის საშუალებით.
მაგალითად, დაახლოებით ერთი თვის წინ პარაფსიქოლოგმა იწინასწარმეტყველა, რომ ლოს-ანჯელესში დიდი უბედურება დატრიალდებოდა და ცეცხლში დაიწვებოდა ქალაქი. ახლა კი ხედავთ თუ რა მდგომარეობაა აშშ-ში.
გარდა ამისა, ცირა კუპრაშვილმა საქართველოს მესამე პრეზიდენტის მიხეილ სააკაშვილის დაკავებაც იწინასწარმეტყველა, რაც უდავოდ ახდა.
„დაიჯესტი“ ნათელმხილველის პიროვნებით დაინტერესდა და შეეცადა მკითხველისთვის სულ სხვანაირი ცირა კუპრაშვილი გაეცნო.
ამიტომ გთავაზობთ ექსკლუზიურ ინტერვიუს პარაფსიქოლოგთან:
- ვინ არის ცირა კუპრაშვილი და როგორია მისი ცხოვრება?
ცირა კუპრაშვილი არის კონსტრუქტორი და აშენებს ხიდებს გულებს შორის! ჩემი ცხოვრება არის მრავალფეროვანი, საინტერესო და თავგადასავლებით სავსე!
- როგორ ოჯახში დაიბადეთ, როგორი ბავშვობა გქონდათ, რას გვეტყვით მამაზე, რომელიც საზოგადოებისთვის კარგად ცნობილია, როგორი ურთიერთობა გაქვთ მამასთან?
დავიბადე ძალიან თბილ და მოსიყვარულე ოჯახში, სადაც სიყვარული და ზრუნვა პრიორიტეტული იყო.. მამა ჰენრი კუპრაშვილი, რომელიც საზოგადოებისთვის ცნობილია, როგორც დარდანელის გმირი, გვზრდიდა ჯანმრთელი ცხოვრების წესით, დედა მანანა ციხისთავი და ბებია მედეა კვანტალიანი, გვასწავლეს მე და ჩემს ძმას დიდი საიდუმლო, რომელიც ყველა კარს ხსნის, სიკეთე! რომ უნდა ვყოფილიყავით კეთილები! მამასთან და დედასთან მაქვს მეგობრული ურთიერთობები, ბებია კი ჩემი დიდი მესაიდუმლე გახლდათ! 
- როდის და როგორ აღმოაჩინეთ ნათელმხილველობის ნიჭი?
3 წლის ასაკში აღმოაჩინეს პირველად ჩემში ეს ნიჭი, როდესაც უცნაურ სიტყვებს ვიყენებდი, მაგალითად სულების არსებობას, რომელსაც ვგრძნობდი უცხოპლანეტელებს ვეძახდი, რომლებიც გამუდმებით იყვნენ ჩემთან კონტაქტში და უცნაურ ქმედებებს ჩავდიოდი, მაგალითად შემეძლო ხელი დამედო სხვის მტკივნეულ ადგილზე (თავზე) და გამეყუჩებინა! 9 წლის ასაკში კი პირველად დავინახე მეზობლის მკვლელობის სცენა წინა დღით, სანამ მოკლავდნენ!
- დასაწყისში, ასოცირდებოდა თუ არა თქვენი ძალა შიშთან?
რა თქმა უნდა თავიდან ეს შიშს იწვევდა ჩემში, შემდეგ მეგონა, რომ ეს ნიჭი ყველა ბავშვს ჰქონდა, საბოლოოდ კი უბრალოდ მივიღე ჩემი თავი, ისეთი როგორიც ვიყავი და ყველაფერი თავის ადგილას დადგა!
- როგორ განავითარეთ პარაფსიქოლოგისა და ნათელმხილველობის ძალები, განათლება თუ მიიღეთ სადმე ამ მიმართულებით?
რა თქმა უნდა განვავითარე ჩემი ცოდნა და უამრავი საინტერესო წიგნი, ინფორმაცია და საგანი შევისწავლე, მათ შორის ფილოსოფია და რელიგიაც! აგრეთვე ტიბეტური მედიცინა და იოგა!
- აღგვიწერეთ პროცესი, როდესაც გაქვთ ხილვა, რა სიხშირით ხდება, რა მომენტში.
ხილვის დროს სრულიად მეკვრის თვალებზე ბინდი და ვეღარაფერს ვხედავ, მაგრამ ეს ჩემთვის საინტერესო პროცესია და არანაირად არ უკავშირდება შიშებს, მაგ დროს იწყება ყველაზე საინტერესო „ხილვა“! ეს შეიძლება ნებისმიერ დროს და ნებისმიერ ადგილზე დამემართოს!
- როგორც საზოგადოებისთვის ცნობილია, თქვენი წინასწარმეტყველებები, რაც ბოლო პერიოდში იწინასწარმეტყველეთ ძალიან მოკლე ვადაში ასრულდა, უახლოესი მაგალითად ლოს-ანჯელესის შემთხვევა. რას ფიქრობთ, ახლო მომავალში რა ბედი ელის აშშ-ს?
ჩემი წინასწარმეტყველებები დაწყებული სალომე ზურაბიშვილის პრეზიდენტობით, რომელიც 8 წლის წინ იყო და მიშა სააკაშვილით, რომ ციხეში აღმოჩნდებოდა და „ოცნებით“, რომელიც დიდხანს დარჩებოდნენ, დამთავრებული, შარშან შოვის ტრაგედია 13 დღით ადრე ვიწინასწარმეტყველე და გავაფრთხილე ხალხი, რომ შოვში არ დაესვენათ, შემდეგ 10 დღით ადრე თურქეთში მიწისძვრა, დაიღუპება ათასობით ადამიანი, სამი დღით ადრე ვიწინასწარმეტყველე ისრაელის ომიც, ორი მილიონი ნახვა აქვს მაგ ლაივს, შემდეგ უამრავი ... ყველას ვერ ჩამოვთვლი და ახლა ბოლოს ტრამპს რომ თავს და ესხმოდნენ 2-ჯერ ზედიზედ ეგეც ვთქვი, ორი კვირით ადრე ამერიკაში ცეცხლი და სტიქიის და მოგეხსენებათ რაც მოხდა, გადაიწვა დიდი ტერიტორია სახლებით და მსხვერპლიც არის! შემდეგ სამი დღით ადრე იაპონია და მიწისძვრა ვიწინასწარმეტყველე და მოხდა 7-ბალიანი მესამე დღეს! ერთი დღით ადრე ვიწინასწარმეტყველე შავ ზღვას საშიშროება ელოდება და ცეცხლს ვხედავ - მეთქი და მეორე დღეს ეკიდა ცეცხლი საკმაოდ დიდ ტერიტორიას შავი ზღვის! ამერიკას კარგი არაფერი ელის, დიდი სტიქიები და დიდი მსხვერპლი, აგრეთვე ევროპას სრული კრახი! იქით დასახმარებლები გახდებიან! ამიტომ ემიგრანტები უნდა დაბრუნდნენ საქართველოში!
- როგორ ხედავთ სამყაროს ახლო მომავალში, რას ფიქრობთ აღსასრულზე?
მე არ ვთვლი, რომ ეს სამყაროს აღსასრულია, ეს არის ახალი ცივილიზაციის დასაბამი! ახალი მსოფლიო წესრიგი დგება!
- ხშირად გვესმის შეთქმულების თეორიები, „დიფ სთეითი“, როგორ უყურებთ ამ მოსაზრებებს, რამდენად რეალურია მოსაზრება, რომ კონკრეტული ძალები მართავენ სამყაროს? ფიქრობთ, თუ არა, რომ დღეს მსოფლიოში გარდა ძალების გადანაწილებისთვის ბრძოლისა, ლიბერალური მმართველობის დასამყარებლად ყველა ძალას იყენებენ?
სამყაროს მხოლოდ ერთადერთი ძალა მართავს სიყვარულის ძალა, დანარჩენი ძალები კი უბრალოდ ხელს უშლიან!
- საინტერესოა, თუ გაქვთ ხილვები ჩვენს სამშობლოსთან დაკავშირებით, ვინც გაფრთხილებულია, „ის შეიარაღებულიას“ პრინციპით, კარგი იქნება თუ ჩვენს მკითხველს ეცოდინება რას ელოდოს?
რა თქმა უნდა მაქვს ხილვები საქართველოზე და არაერთხელ მითქვამს ჩემს ლაივებში, რომ ეს არის კიდობანი დედამიწაზე, რომელსაც უნდა გავუფრთხილდეთ და დავაფასოთ!
- „მავანი“ ცდილობს საქართველოში არეულობას, როგორ დალაგდება ეს პროცესები?
„მავანი“ როგორც თქვენ აღნიშნეთ, ვერაფერს დააკლებს საქართველოს, მხოლოდ თავს გაანადგურებს, ახლა უკვე სამყაროს გარდა ადამიანის ძალებისა, მართავს შემოქმედი, რომელმაც გვითხრა, გვიყურა და რომ მიხვდა დახმარებაა საჭირო, გახდა ხილული და დაიწყო მმართველობა!
- თქვენს ერთ-ერთ განცხადებაში ვკითხულობთ, რომ „ქართული ოცნება“ სწორად მორგებული მოდელია საქართველოსთვის. რას გულისხმობთ ამაში, რომ განვავრცოთ?
„ქართული ოცნება“ სწორად მორგებული მოდელია საქართველოზე იმიტომ, რომ უზუსტესი დიპლომატიით მართავს და ძალიან ჰუმანურ მეთოდებს იყენებს, ეს კი კურთხევებია ზეციური, ამას დაფასება სჭირდება!
- კატასტროფები, ეკოლოგიური საფრთხეები, ცნობილი ადამიანების გარდაცვალება - ხშირად ვხვდებით აღნიშნულ თემებზე თქვენს წინასწარმეტყველებებს, თუ შეძლებთ ექსკლუზიურად ჩვენი მკითხველისთვის დაასახელოთ კონკრეტული ადგილი, მოვლენა, დრო ჩვენს ქვეყანასთან დაკავშირებით.
სამღვდელოებაში იქნება დიდი ცვლილებები, ძალიან კარგი ცვლილებები, ახალი წმინდა ლიდერი გამოიკვეთება, ესეც ზეციური კურთხევებით დაინიშნება ლიდერად!
- „დაფარული საიდუმლოებები“, რომლის გათქმის უფლებაც ჯერჯერობით არ გეძლევათ, რასთანაა ეს დაკავშირებული და როდის მოგეცემათ ამის თქმის უფლება?
„დაფარული საიდუმლოებები“ როგორც თქვენ აღნიშნეთ, მხოლოდ იმიტომ არის დაფარული, რომ ამის გამხელის დროს მე რძისფერი ნათება მანიშნებს, საერთო ენერგეტიკული ველი, სადაც ინახება „კაცობრიობის სულის ინფორმაცია“ ცოდნის ბიბლიოთეკა, ნატიფი სხეულების გავლით, სადაც მაქვს წვდომა და როდის უნდა ვამხილო!
აგრეთვე დაგაინტერესებთ:
⭕2025 წლის 5 ყველაზე მნიშვნელოვანი ასტროლოგიური მოვლენა, რომელთა გავლენასაც ყველა ადამიანი იგრძნობს
🎥 გაჯეტებზე დამოკიდებულება და სქროლვის საფრთხეები - რეკომენდაციები
