2025 წლის 20 მარტს გაზაფხულის ბუნიობაა და როგორც ასტროლოგები ამბობენ, ამ დღეს განსაკუთრებული ენერგია აქვს. 20 მარტს დღისა და ღამის ხანგრძლივობა ტოლია და უძველესი დროიდან, ბუნიობას ადამიანები განსაკუთრებულად აღნიშნავდნენ. ეს დღე გაზაფხულის შემოსვლასთან, ბუნების გამოღვიძებასა და ოჯახში სიახლეებისა და წარმატების შესვლასთან ასოცირდებოდა.
აღნიშნულ თემაზე ასტროლოგი ხათუნა ნოელი სოციალურ ქსელში წერს და საზოგადოებას რეკომენდაციებს უზიარებს:
„20 მარტის გაზაფხულის ბუნიობა - კოსმოსური ახალი წელი და მისი ასტროლოგიური მნიშვნელობა
20 მარტს, თბილისის დროით 13:01 წუთზე, მზე გადადის ვერძის პირველ გრადუსზე , რაც ასტრონომიული ახალი წლის დასაწყისს მოასწავებს. ეს არის წლის ერთ-ერთი ყველაზე ძლიერი კოსმოსური მომენტი, როდესაც დღე და ღამე თანაბარია. ეს თანაბრობა ასახავს ჩვენს ცხოვრებაში შიდა და გარე ბალანსის საჭიროებას. სულიერ დონეზე, ეს არის კარიბჭე, რომლის მეშვეობითაც ჩვენ შეგვიძლია გავასწოროთ ჩვენი მიზანი, გავაანალიზოთ ჩვენი შესაძლებლობები და მივიღოთ ახალი მუხტი.
ბუნიობა წარსულსა და მომავალს შორის ზღურბლს შეიძლება შევადაროთ, სადაც სამყარო შეგვახსენებს, რომ რაღაც დასრულდა, თან ამავდროულად გზას გვიხსნის ახლის დასაწყებად.
ვერძი, რომელსაც მართავს მარსი, არის ინიციატივის, გამბედაობის და ენერგიის ნიშანი. როდესაც მზე გადადის ვერძში, ჩვენ თევზების მეოცნებე და გაურკვეველი წყლებიდან გადამწყვეტი მოქმედებისა და ლიდერობის ფაზაში გადავდივართ.
თევზები ოცნებებს, სიზმრებს და კოლექტიურ არაცნობიერს გულისხმობს, ვერძი კი მოგვიწოდებს: „იყავი პირველი! იმოქმედე! იბრძოლე შენი ადგილისთვის“ მარსის მმართველი პლანეტა გვიბიძგებს სიმამაცისკენ; ეს კი ნიშნავს გამოწვევების მიღებას, ახალი მიმართულებების გახსნას; ინდივიდუალურობას, თვითრეალიზაციას.
წლევანდელი ბუნიობის რუკა კიდევ უფროს საინტერესო ასტროლოგიურ დინამიკას ავლენს, რომელიც აყალიბებს მომავალ თვეებს:
პლუტონის გავლენა მერწყულში ამ ბუნიობის დროს მიანიშნებს ღრმა სოციალურ და ტექნოლოგიურ ტრანსფორმაციაზე. ჩვენ შევდივართ სწრაფი პროგრესის, მაგრამ ასევე პოტენციური ძალაუფლების ბრძოლაში ინოვაციებისა და კონტროლის დროს.
სოციალური რევოლუციები, ტექნოლოგიები, კოლექტიური ძალაუფლების გადანაწილება);
გარდამტეხი ინოვაციები, სადაც კრიზისებს პროგრესი მოჰყვება!
სატურნის ყოფნა თევზებში გვახსენებს, რომ უარი არ უნდა ვთქვათ ჩვენს ოცნებებზე, მაგრამ გამოვიყენოთ დისციპლინა ჩვენს სულიერ, შემოქმედებით და ემოციურ მისწრაფებებში. ყურადღება სულიერ ზრდაზე, მაგრამ რეალისტური გეგმებით.
მარსს, კირჩხიბის ემოციურ ნიშანში, მოაქვს უფრო დამცავი, ინტუიციური და ზოგჯერ თავდაცვითი ენერგია. იმპულსური მოქმედების ნაცვლად, ეს განლაგება ხელს უწყობს ბრძოლას იმისთვის, რაც ნამდვილად მნიშვნელოვანია ღრმა, პიროვნულ დონეზე.
მას მოაქვს არა აგრესია, არამედ ნამდვილი, ეროვნული ( კირჩხიბი) ღირებულებების დაცვისათვის ბრძოლა.
მერკური და ვენერა ორივე რეტროგრადული, ორივე ვერძში: კომუნიკაციამ, ურთიერთობებმა და ფინანსურმა საკითხებმა შეიძლება მოითხოვონ ძველი თემების გადახედვა. დროა გადავაფასოთ ჩვენი სურვილები და გავარკვიოთ, როგორ ვაპირებთ თვითდამკვიდრებას მომავალში.
მარტის ბუნიობა იდეალური დროა პიროვნული მიზნების დასასახვად, რომლებიც შეესაბამება ვერძის ლიდერულ ენერგიას. ეს ის პერიოდია, როცა საკუთარ თავს უნდა ჰკითხო:
რისი წამოწყება მინდა ჩემს ცხოვრებაში?
რა რისკებზე წასვლაა საჭირო, რომ საკუთარი თავის პატრონი თავადვე ვიყო?
სად მჭირდება „ვერძის“ ენერგია - უფრო გაბედული ქმედებები, სწრაფი გადაწყვეტილებები, იმპულსურობა?
ჩემი ცხოვრების რომელი სფეროები მოითხოვს ახალებურ მიდგომებს?
20 მარტმა უნდა ჩაიაროს დევიზით: „შეჩერდი, გაიაზრე და დაიწყე ხელახლა“.
ეს მნიშვნელოვანია მეტადრე მათთვის, ვისაც მნიშვნელოვანი პლანეტები ჰყავს ვერძში, სასწორში, კირჩხიბში ან თხის რქაში. ამ ადამიანებს ბუნიობამ შეიძლება განსაკუთრებით შესამჩნევი ცვლილებები, ახალი მიმართულებები და შესაძლებლობები მოუტანოს.
დაისახეთ მიზნები, დაწერეთ „ვერძის მანიფესტი“, ანუ რისი მიღწევა გსურთ უახლოეს თვეებში.
„ამ წელს მე ვიქნები...“, „მე გავბედავ...“, „მე დავტოვებ...“
შეეკითხეთ საკუთარ თავს:
„რა დავიწყო დღეს ისეთი, რაც ერთ წელიწადში ჩემი ცხოვრებას შეცვლის?“
აანთეთ სანთელი და წარმოიდგინეთ, როგორ ანთებთ თქვენი „შინაგანი ცეცხლის“ ნაპერწკალს. იმოქმედეთ მიზნის მიხედვით: გადადგით ერთი ხელშესახები ნაბიჯი იმისკენ, რისი დაწყებაც გინდოდათ.
ვინაიდან ბუნიობა ნიშნავს წონასწორობას, ისეთი პრაქტიკები, როგორიცაა მედიტაცია, სუნთქვა ან ბუნებაში დროის გატარება, დაგეხმარებათ თქვენი ენერგიის ჰარმონიზაციაში.
მარტის ბუნიობა უფრო მეტია, ვიდრე გაზაფხულის დასაწყისი - ეს არის ასტროლოგიური ახალი წელი, პორტალი ახალი ენერგიებისკენ. სამყარო გვეპატიჟება, დავრწმუნდეთ საკუთარ ძალაში, გადავლახოთ ბარიერები და თავდაჯერებულად მივიღოთ ცვლილებების გამოწვევები“, - წერს ხათუნა ნოელი.
აგრეთვე დაგაინტერესებთ:
⭕„ჩემი სიყვარული“ - მარიტა როხვაძე საქმროსთან ერთად გადაღებულ ფოტოებს აქვეყნებს
