ახალი შესაძლებლობები, გარდაუვალი ცვლილებები და წარმატების მიღწევის დიდი შანსი - როგორი იქნება 8-14 სექტემბრის კვირა ზოდიაქოს თითოეული ნიშნისთვის

ვერძი

ამ კვირაში იგრძნობთ, თითქოს რაღაც მნიშვნელოვანი ეტაპის ზღურბლზე დგახართ. ძველი ცხოვრება თავისი შეზღუდვებითა და ნაცნობი ჩარჩოებით თანდათან უკან იხევს და ახალ გამოცდილებას გაძლევთ. გაგიჩნდებათ სურვილი, განაახლოთ არა მხოლოდ გეგმები, არამედ იფიქროთ იმ კონკრეტულ ნაბიჯებზე, რომლებიც ოცნებების ასრულებამდე მიგიყვანთ. საბოლოოდ გააანალიზებთ, რომ ბოლო წლებში ბევრი რამ განსაკუთრებით მოძველდა და ცხოვრება განახლებული ხედვით უნდა განაგრძოთ. მნიშვნელოვანი ტრანსფორმაციის წინაშე ხართ და ცვლილებებს ვეღარ გადაავადებთ. თუმცა, თქვენი მთავარი ამოცანაა, იმპულსური გადაწყვეტილებები არ მიიღოთ და მოვლენებს ნაბიჯ-ნაბიჯ, გააზრებულად მიჰყვეთ.

კურო

ეს კვირა ზედმეტი ვალდებულებებისაგან, ზედმეტი პასუხისმგებლობებისა და მოძველებული კავშირებისაგან გათავისუფლების კვირა იქნება, რაც საბოლოოდ დიდ თავისუფლებას მოგანიჭებთ. თქვენ გარშემო არსებული სოციალური წრის გადახედვითა და ძველ საქმეებზე უარის თქმით, თითქოს, ახალი ეტაპისთვის ემზადებით, სადაც წარსულის მძიმე ტვირთისთვის ადგილი აღარ იქნება. მაგრამ, ნუ იჩქარებთ - ეს პროცესი დროთა განმავლობაში უნდა განხორციელდეს და არა ერთ დღეში. იმის გამო, რომ თქვენ სტაბილურობას ხართ მიჩვეული, თავიდან შესაძლოა, ცვლილებების მიღება გაგიჭირდეთ. მაგრამ, მალე სიმსუბუქეს იგრძნობთ, რადგანაც მიხვდებით, რომ ახლა იმ ცხოვრებით, იმ მიდგომებით ცხოვრობთ, როგორიც თავად გსურთ. 

ტყუპები

ამ კვირაში იგრძნობთ, რამდენად მნიშვნელოვანია ბალანსის შენარჩუნება გუნდის წევრების სურვილებსა და საკუთარ მისწრაფებებს შორის. ბოლო თვეების განმავლობაში სხვების ყურადღება თქვენზეა მიპყრობილი და ეს სასიამოვნოა, მაგრამ ამავდროულად, დამღლელი. მოგიწევთ, კიდევ ერთხელ გააანალიზოთ, რომ ყოველთვის სხვების მოლოდინებს ვერ დააკმაყოფილებთ და ასევე, ყოველთვის ვერც მხოლოდ საკუთარ საჭიროებებზე იქნებით ორიენტირებული. მნიშვნელოვანია გახსოვდეთ: საყვარელი ადამიანების მხარდაჭერა და ყურადღება რესურსია და არა შეზღუდვა.

კირჩხიბი

ეს კვირა ზოდიაქოს აღნიშნული ნიშნის წარმომადგენლებისათვის განსაკუთრებით მნიშვნელოვანი იქნება. თქვენ აღმოჩნდებით სიტუაციაში, სადაც წარსული ძალისხმევის ნაყოფი სრულად გამოჩნდება. თუმცა, წარმატებასთან ერთად, შეცდომებსაც ნახავთ, რაც სხვადასხვა დროს დაუშვით. წარმატების მიღება და საკუთარი თავისადმი მადლიერების გამოხატვა მნიშვნელოვანია. ამავდროულად, მნიშვნელოვანია, შეცდომები გააანალიზოთ და გამოცდილებად აქციოთ. გარდა ამისა, მიმდინარე კვირის განმავლობაში გაქვთ შანსი, თქვენი შესაძლებლობები სრულად წარმოაჩინოთ, მიიღოთ ახალი საქმიანი შეთავაზებები და საზოგადოების წინაშე ბევრად თავდაჯერებულად წარდგეთ.

ლომი

ეს კვირა იქნება მზადების ეტაპი იმ მნიშვნელოვანი ცვლილებებისთვის, რომლებიც მომდევნო პერიოდში გელოდებათ. თითქოს, რეპეტიციას გადიხართ. ყველაფერი, რასაც ახლა ისწავლით, განავითარებთ, წამოიწყებთ, მომავალში განსაკუთრებით გამოგადგებათ. ამიტომ, შანსს ხელიდან ნუ გაუშვებთ. თუ ჰორიზონტის გაფართოება გსურთ, სხვადასხვა უნარისა და შესაძლებლობის განვითარებაზე იფიქრეთ. მიეცით საკუთარ თავს უფლება, ყველაზე ამბიციურ გეგმებსაც კი შეეჭიდოთ და განხორციელებისათვის რეალური ნაბიჯები გადადგათ.

ქალწული

კვირის განმავლობაში შეიძლება იგრძნოთ, რომ გარე მხარდაჭერა სუსტდება და მხოლოდ საკუთარ თავს უნდა დაეყრდნოთ. შესაძლოა, იფიქროთ, რომ მარტო ხართ, თქვენი იდეებისა და შესაძლებლობების სხვა ადამიანებს არ სჯერათ, მაგრამ ეს ეტაპი დაგეხმარებათ, რომ ბევრად თავდაჯერებული გახდეთ, თავად ირწმუნოთ საკუთარი შესაძლებლობების, იგრძნოთ თავისუფლება და გააკეთოთ ის, რაც ყველაზე მეტად გსურთ. დაბრკოლებები სასჯელად არ უნდა აღიქვათ. ეს ცხოვრებაში უფრო სტაბილური პოზიციის ჩამოყალიბების შესაძლებლობას გაძლევთ.

სასწორი

პირად ურთიერთობებში შესაძლოა, გარკვეული სირთულეები შეგხვდეთ. ზოგიერთ კავშირში ბზარები გაჩნდება, ზოგს კი ურთიერთობის საზღვრებისა და პირობების გადახედვა დასჭირდება. ეს დასასრული არ არის. არსებული პრობლემების გაანალიზება დაგეხმარებათ, თქვენი ურთიერთობა ბევრად ცხადი გახადოთ და იმუშაოთ იმ უთანხმოებების მოგვარებაზე, რომლებიც ხელს გიშლით. გარდა ამისა, თქვენს კარიერას, მიზნებსა და გრძელვადიან პროექტებს უფრო ფართოდ უნდა შეხედოთ. ეს ყველაფერი იმით არის განპირობებული, რომ თანდათან აღწევთ იმ ეტაპს, როდესაც ზუსტად უნდა განსაზღვროთ, რა გსურთ რეალურად.

მორიელი

ამ კვირაში ყველაზე მნიშვნელოვანია, საკუთარ თავზე იზრუნოთ და პარალელურად, არსებულ საქმეებზეც იმუშაოთ. კვირის განმავლობაში შესაძლოა, სამუშაო დატვირთვა გადაჭარბებულად მოგეჩვენოთ, მაგრამ არ დანებდეთ. ახლა საფუძველს უყრით იმ ეტაპს, რომელიც სამომავლოდ დიდ წარმატებამდე მიგიყვანთ. იმისათვის, რომ ემოციური „გადაწვა“ თავიდან აირიდოთ, შეეცადეთ, ხშირად დაისვენოთ, განიტვირთოთ და გააკეთოთ ის, რაც სიამოვნებას მოგანიჭებთ. ახლა მნიშვნელოვანია, აქცენტი ხარისხზე გააკეთოთ და არა სიჩქარეზე.

მშვილდოსანი

თქვენი ოპტიმიზმი და ენერგია ამ კვირის განმავლობაში მოგცემთ შესაძლებლობას, გაუმკლავდეთ იმ გამოწვევებსაც კი, რომლებიც ადრე განსაკუთრებით რთულად გეჩვენებოდათ. მთავარია, ახალი დავალებებისა და პასუხისმგებლობების აღების არ შეგეშინდეთ. მიმდინარე კვირა ყველა შანსს გიხსნით, რომ საკუთარი შესაძლებლობები ახალი მიმართულებით სცადოთ. ასევე, თქვენი ინტერესების სურვილების საბოლოოდ გარკვევა დაგეხმარებათ, სამომავლო ნაბიჯები ბევრად უფრო გააზრებულად დაგეგმოთ.

თხის რქა

ამ კვირაში თქვენთვის მთავარი სახლთან და უსაფრთხოებასთან დაკავშირებული საკითხები იქნება. შესაძლოა, გარემოს შეცვლა, რემონტი გადაწყვიტოთ. ან საყვარელ ადამიანებს დასჭირდეთ თქვენი დახმარება. ეცადეთ, არ გადადოთ ის, რაც დიდი ხანია, თქვენი მხრიდან ყურადღებას მოითხოვს. ახლა ჩადებული მცირე ძალისხმევა გრძელვადიან შედეგებს მოგიტანთ და სამომავლოდ განსაკუთრებით დაგეხმარებათ. გარდა ამისა, ეს კვირა ოჯახური კავშირების განმტკიცებისათვის და გაძლიერებისათვის შესანიშნავი პერიოდია.

მერწყული

ეს კვირა ყოველდღიურ ცხოვრებაში ცვლილებებით იქნება სავსე. შესაძლოა, ახალი ამოცანები, ახალი პასუხისმგებლობები შეგხვდეთ, ჩვეული რუტინის შეცვლის აუცილებლობა იგრძნოთ. თავიდან შეიძლება, ეს დეზორიენტაციას გიქმნიდეთ, მაგრამ ცხოვრების განახლებული ეტაპის დაწყებასა და მნიშვნელოვანი გამოცდილების მიღებაში დაგეხმარებათ. მნიშვნელოვანია, ცვლილებები აღიქვათ არა როგორც ქაოსი, არამედ როგორც სტიმული განვითარებისთვის.

თევზები

მიმდინარე კვირაში მოგიწევთ, ყურადღება ფინანსურ რესურსებზე გაამახვილოთ. ეს ეტაპი დაგეხმარებათ, საბოლოოდ გააანალიზოთ, რა არის რეალურად მნიშვნელოვანი და რა ქმნის მხოლოდ საჭიროების ილუზიას. მოგიწევთ, ფინანსების გადანაწილებაზე კარგად დაფიქრდეთ და დამატებითი პროექტების მიღების შესაძლებლობაც განიხილოთ. რეალურ სურვილებზე კონცენტრირდით და საკუთარ შინაგან ხმას მოუსმინეთ. ის აუცილებლად მიგიყვანთ იმ გადაწყვეტილებამდე, რაც სამომავლოდ დიდ წარმატებას მოგიტანთ.

ასევე დაგაინტერესებთ:

⭕დუტა სხირტლაძის ქალიშვილი გათხოვდა - კადრები ცერემონიიდან

📸 სალომე ბაკურაძის და გვანცა დარასელიას კადრები - „ანათებთ გოგოებო!“

⭕ დუდა სანაძე: მადლობა ყველას, ეს მოგება საქართველოსთვის იყო

წყარო: www.beaumonde.ge