15 მაისი - დღის ენერგია!
მთვარე გადაადგილდება ვერძის ნიშანში.
15 მაისის 00:33-მდე - მთვარე ვერძშია.
00:34-დან 05:31-მდე - მთვარე კურსის გარეშეა.
05:32-დან - მთვარე გადადის კუროს ნიშანში.
დილას კუროში მყოფი მთვარით ვიწყებთ, რაც მაშინვე ააქტიურებს ფინანსების, სტაბილურობის, უსაფრთხოებისა და პირადი ფასეულობების თემას. თუმცა, ეს დღე სიმშვიდეს არ გვპირდება. მთვარე უერთდება მარსსა და ქირონს ვერძის ნიშნის ბოლოს, ეს კი სიხისტის, იმპულსურობის, ტრავმატულობისა და ემოციური აფეთქებების კომბინაციაა.
ბევრი იმოქმედებს ნერვულ ნიადაგზე, იქნება მკვეთრი რეაქციები სიტყვებსა და სიახლეებზე. მოსალოდნელია კონფლიქტები, ავარიული სიტუაციები, ტექნიკური ხარვეზები, გაუმართაობა, პრობლემები გზებზე და გეგმების მოულოდნელი გაუქმება.
გარდა ამისა, მთვარე იქნება კონფლიქტში (კვადრატი) პლუტონთან. შესაბამისად, წინ არცთუ ისე კარგი დღე გველის. ნევროზულობა და წნეხი იგრძნობა, თუმცა ნეგატივი თანდათან იკლებს. გაღიზიანება საღამოსთვის შესუსტდება, როდესაც მთვარის ყველა ასპექტი დაიშლება. ეს ნიშნავს, რომ ყველა მნიშვნელოვანი მოვლენა დღის განმავლობაში მოხდება, შემდეგ კი მხოლოდ მათ შედეგებს მოვიმკით - ახალი აღარაფერი მოხდება.
ასევე, ჩვენზე უკვე იწყებს გავლენას „შუა წერტილი“ - ერთ-ერთი ყველაზე მგრძნობიარე მომენტი დაბნელებებს შორის. სწორედ ასეთ დღეებში მოვლენები კარგავენ ჩვეულ ლოგიკას: გეგმები ბოლო მომენტში იცვლება, დაფარული ცხადი ხდება, ადამიანებმა კი შეიძლება ბედისწერის განმსაზღვრელი გადაწყვეტილებები სულ რამდენიმე წუთში მიიღონ.
თუმცა არის პლუსებიც!
კუროს ნიშანში მზისა და მერკურის შეერთება აძლიერებს ინფორმაციის ნაკადს, მოლაპარაკებებსა და მნიშვნელოვან განცხადებებს.
ამავდროულად, იუპიტერი კირჩხიბში ამ ასპექტს ჰარმონიული სექსტილით უჭერს მხარს. ამიტომ, სწორედ ახლა შეგიძლიათ, მიიღოთ მნიშვნელოვანი ინფორმაცია, შემოთავაზება ან მინიშნება, რომელსაც მომავლის შეცვლა შეუძლია.
ბოლო დღეების ემოციური „კარუსელისა“ და შინაგანი შფოთვის შემდეგ, გვინდა, რომ საბოლოოდ დამშვიდდეს ყველაფერი და გაიხსნას გზა, თუ საით მივდივართ. კუროს არ უყვარს ფაციფუცი. მას უყვარს გემრიელი საკვები, ნორმალური ძილი და მყარი ნიადაგი ფეხქვეშ. თუმცა, დღის განმავლობაში შეიძლება შეიქმნას სიტუაციები, სადაც მოგიწევთ საკუთარი სიმტკიცის შემოწმება, პირადი საზღვრების დაცვა და სხვისი აზრისთვის ანგარიშის გაუწევლობა, თუ ამის რეალური მიზეზი არ არსებობს. შეიძლება გამოჩნდნენ ადამიანები, რომლებიც აქტიურად ეცდებიან თქვენს პირად სივრცეში შემოჭრას თავიანთი წესებითა და „ჭეშმარიტებებით“.
მათთან ურთიერთობის გარკვევის ნაცვლად, ბევრად სასარგებლო იქნება, თუ დღეს მარტივი, მიწიერი საქმეებით დაკავდებით: დაალაგეთ გარემო, დაასრულეთ დაგროვილი საქმეები და უბრალოდ ცოტა ხნით სიჩუმეში დარჩით.
რა არის მნიშვნელოვანი 15 მაისს:
⭕ მოერიდეთ სიჩქარეს და კონფლიქტებს;⭕ იყავით ფრთხილად საჭესთან და ტექნიკასთან;⭕ ნუ მიიღებთ გადაწყვეტილებებს ემოციებზე დაყრდნობით;⭕ ყურადღებით შეამოწმეთ დოკუმენტები და შეთანხმებები;⭕ მიაქციეთ ყურადღება ნიშნებსა და შემთხვევით შეხვედრებს;⭕ დაასრულეთ ძველი საქმეები ახალმთვარეობამდე.
