„დღეს 11 თებერვალია, დღევანდელი დღის მმართველი პლანეტა მარსია. დღევანდელ დღეს არ არის სასურველი ახალი საქმის დაწყება. შეეცადეთ ბოლომდე მიიყვანოთ ძველი საქმეები და დაასრულოთ ის, რაც ხელს გიშლით და გაფერხებთ“, - ამის შესახებ ასტროლოგმა ნინა სუსლოვამ გადაცემაში „დილა მშვიდობისა საქართველო“ ისაუბრა და საზოგადოებას რეკომენდაციები გაუზიარა.
რატომ უნდა შევიკავოთ თავი ახალი საქმეების დაწყებისგან და ვის დაუფასდება გაწეული შრომა? - 11 თებერვლის ასტროლოგიური პროგნოზი ზოდიაქოს 12 ნიშნისთვის:
♈ ვერძი
დღეს შესაძლოა თქვენი შრომა დაფასდეს. არ არის სასურველი მნიშვნელოვანი ნაბიჯების გადადგმა, ახალი საქმის დაწყება, თუმცა საქმე რომელსაც აკეთებდით და შედეგს ელოდით, დღეს შესაძლოა დაინახოთ.
♉ კურო
წარმატება თქვენც გელოდებათ, თუმცა არ იჩქაროთ და ნელა მიჰყევით იმ მოვლენებს, რომლებიც განვითარდება. არ გადადგათ დაუფიქრებელი ნაბიჯები.
♊ ტყუპები
შეგიძლიათ მნიშვნელოვანი ნაბიჯები გადადგათ. მნიშვნელოვანი საქმეები დღის პირველ ნახევარში დაგეგმეთ, მეორე ნახევარი კი თავისუფლად დატოვეთ.
♋ კირჩხიბი
დღევანდელი დღე საკმაოდ მნიშვნელოვანი იქნება, შესაძლოა დაგჭირდეთ საკუთარი პოზიცია დაიცვათ. სუფრაზე ახლობელ ადამიანთან კონფლიქტის ალბათობა არის. თუ ფიქრობთ, რომ მართალი ხართ დაიცავით საკუთარი პოზიცია.
♌ ლომი
დღეს განსაკუთრებულად უნდა შეიკავოთ თავი სწრაფი გადაწყვეტილების მიღებისგან. ყველაფერს ყურადღება მიაქციეთ, რომ შემდეგში არ ინანოთ მიღებული ნაჩქარევი გადაწყვეტილება.
♍ ქალწული
უმჯობესი იქნება თუ მნიშვნელოვან საქმეებს არ დაგეგმავთ. შეეცადეთ მარტივი საქმეებით დაკავდეთ, რადგან შეიძლება კონფლიქტი აღმოჩნდეს იქ, სადაც საერთოდ არ ელოდებით.
♎ სასწორი
კომუნიკაციებისთვის მნიშვნელოვანი დღეა. კარგად დაფიქრდით რას და როგორ ამბობთ. შეეცადეთ მეტად მოუსმინოთ, ვიდრე ილაპარაკოთ.
♏ მორიელი
სამსახურს და საოჯახო საქმეებს შეუთავსეთ დასვენება. დააბალანსეთ, ისე, რომ არც დაიღალოთ და საქმეებიც არ გააფუჭოთ.
♐ მშვილდოსანი
შეეცადეთ კარგად დაინახოთ და შეაფასოთ მოვლენები. დაფიქრდით ცვლილებებზე და ყველა შანსს კარგად დააკვირდით.
♑ თხის რქა
დღევანდელი დღე ერთგვარი გამოცდა შეიძლება იყოს თქვენთვის. არ აიღოთ ახალი ვალდებულებები.
♒ მერწყული
დღეს, მაქსიმალურად უნდა აკონტროლოთ ის, რაც თქვენს ირგვლივ ხდება. რადგან არ გამოგეპაროთ ისეთ რამე, რაც შემდგომში პრობლემას გამოიწვევს.
♓ თევზები
სასურველია ყველაფერს ყურადღება მიაქციოთ, დღის მეორე ნახევარი შესაძლოა უფრო ქაოსური და არეული იყოს. ეცადეთ, გამოიტანოთ დასკვნები, როგორ მოქცევა იქნება თქვენთვის უმჯობესი.
⭕ ასევე დაგაინტერესებთ:
⭕თბილისის ზოგიერთ ქუჩას 11 თებერვლამდე წყალმომარაგება შეეზღუდება
