ასტროლოგი, ფსიქოლოგი და რამდენიმე წიგნის ავტორი, რამაზ გიგაური, სოციალურ ქსელში სხვადასხვა ასტროპროგნოზთან ერთად საზოგადოებას ხშირად უზიარებს სასარგებლო რჩევებს.
ამჯერად ასტროლოგი ახალ სტატუსს აქვეყნებს, სადაც პლანეტა ნეპტუნს ახასიათებს:
„ნეპტუნი: ზოდიაქოს დიდი ილუზიონისტი
ყველაფერი არ არის ისეთი, როგორიც ჩანს... განსაკუთრებით მაშინ, როცა საქმეში ნეპტუნი ერთვება.
ნეპტუნის ძლიერი გავლენის დროს ჩვენ ვხედავთ არა ფაქტებს, არამედ იმას, რისი დაჯერებაც გვინდა.
ნეპტუნი - მზე: „მძინარე მზეთუნახავი“ — ცხოვრება სიზმარში, როცა საკუთარი იდენტობა („მე“) ბუნდოვანია და სამყაროს მუსიკასავით აღიქვამ.
ნეპტუნი - ასცენდენტი: „ქამელეონის ეფექტი“ — ილუზია გარეგნობაში. შენ გაქვს ნიჭი, მოირგო ნებისმიერი ნიღაბი და სხვებს დაანახვო ის, რისი დანახვაც მათ სურთ. ეს არის „ცოცხალი ფილტრი“.
ნეპტუნი - მთვარე: ემოციური ილუზია — „ვგრძნობ იმას, რაც არ არსებობს“. ეს არის უდიდესი ინტუიცია ან ფსიქიკური ქაოსი.
ნეპტუნი - მერკური: სიტყვიერი ილუზია — ლამაზი ტყუილი, ზღაპრების თხზვა ან უბრალოდ, ქაოსი აზროვნებაში.
ნეპტუნი - ვენერა: სასიყვარულო ბრმა ილუზია — იდეალიზება და მსხვერპლშეწირვა ურთიერთობებში“, - წერს რამაზ გიგაური.
⭕ ასევე დაგაინტერესებთ:
🎥 „სოციალური მედია vs რეალობა“ - ნინო ჩხეიძე სახალისო ვიდეოს აქვეყნებს
⭕„მე ვცხონდები არა როგორც თოჯინა, რომელიც გადამდგეს სასუფეველში...“ - თეოდორე გიგნაძე
