მომდევნო 7 დღის განმავლობაში ზოდიაქოს თითოეულ ნიშანს ფინანსურ სფეროში მნიშვნელოვანი სიურპრიზი ელოდება. ამ პერიოდში, ჯობს, იმპულსურ გადაწყვეტილებებს მაქსიმალურად მოერიდოთ. კვირა არაერთი მნიშვნელოვანი ასტროლოგიური მოვლენით იქნება დატვირთული.
20 ოქტომბერს პლანეტა მერკურისა და მარსის შეერთება ინტელექტუალური აქტივობის გაზრდას ხელს შეუწყობს. ბევრი საქმიანი საკითხი სწრაფად და კონსტრუქციულად გადაწყდება.
21 ოქტომბერს ახალი მთვარეა, რაც თითოეულ ადამიანს სიახლეებსა და მნიშვნელოვანი გადაწყვეტილებების მიღების შესაძლებლობას აძლევს.
24-25 ოქტომბერს მერკური-იუპიტერის ტრინი კონტაქტების განვითარებასა და ინფორმაციის გაცვლის საკითხების მოგვარებას ხელს უწყობს.
25-26 ოქტომბერს, მერკური-სატურნის ტრინი ინტელექტუალური აქტივობისთვის ერთ-ერთი საუკეთესო ასპექტია. მერკური სწრაფად აზროვნებას აძლიერებს და ადამიანებს მნიშვნელოვანი ინფორმაციის აღქმასა და გაზიარებაში ეხმარება.
უფრო კონკრეტულად, ქვემოთ შემოგთავაზებთ, როგორი იქნება 2025 წლის 20-26 ოქტომბრის კვირა ზოდიაქოს თითოეული ნიშნის წარმომადგენლისთვის:
ვერძი: ფრთხილად იყავით ხარჯებთან დაკავშირებით
ვერძებმა ბიუჯეტის დაგეგმვისას, უკიდურესი სიფრთხილე უნდა გამოიჩინონ. ნებისმიერმა ნაჩქარევმა შენაძენმა შეიძლება, ფინანსურად დაგაზიანოთ და სასურველი შედეგი ვერ მიიღოთ. გარდა ამისა, ეს კვირა გაძლევთ იმის შესაძლებლობასაც, რომ დამატებითი რესურსები მოიძიოთ და ფინანსურად დაწინაურდეთ. მთავარია, ახალი შესაძლებლობებით ისარგებლოთ და ზედმეტ ხარჯვას თავი აარიდოთ.
კურო: ინვესტიციების დროა
კურო ინვესტიციებისთვის ხელსაყრელ პერიოდში შედის. ნებისმიერ ინვესტიციას ახლა შეუძლია, მნიშვნელოვანი შემოსავალი მოგიტანოთ. კვირის შუა რიცხვებში შესაძლებელია, სასიამოვნო ფინანსური სიურპრიზი და სამომავლოდ, განვითარების შესანიშნავი პერსპექტივა მიიღოთ. თუკი რაიმე პროექტის დაწყებას, კონკრეტულ საქმეში ფულის ჩადებას გეგმავდით, ეს კვირა ამისთვის შესანიშნავია.
ტყუპები: ფინანსური ჩვევების გადახედვა
ტყუპებმა სპონტანურ ხარჯვას თავი მაქსიმალურად უნდა აარიდონ. შესაძლოა, შემოსავლის ახალი წყაროები გაჩნდეს, მაგრამ დიდი შანსია, რომ მოლოდინები ზუსტად არ გამართლდეს. ეს კვირა გაჩვენებთ, რომ ფინანსებთან, ხარჯვასთან და თანხების მობილიზებასთან დაკავშირებით მნიშვნელოვანია, რომ საკუთარ ჩვევებს გადახედოთ და ახალი წესები შეიმუშაოთ.
კირჩხიბი: წარმატება ფინანსურ საკითხებში
თუ რაიმე ტიპის ბიზნესში ხართ ჩართული, საკუთარი პროექტი გაქვთ ან კომპანიაში მუშაობთ, მიმდინარე კვირის განმავლობაში, შემოსავლის ზრდა და ახალი პარტნიორების შეძენა გელოდებათ. ამიტომ, ეს შანსი გამოიყენეთ, რადგანაც დაწინაურებისა და პოზიციის შეცვლის შესანიშნავი საშუალება იქნება. თუმცა, ასტროლოგები გირჩევენ, რომ კვირის განმავლობაში სპონტანურ შესყიდვებს განსაკუთრებით მოერიდოთ.
ლომი: ახალი შესაძლებლობების კვირა
მიმდინარე კვირის განმავლობაში, თქვენი კომუნიკაციის უნარი, თავდაჯერებულობა და შინაგანი თავისუფლება კიდევ მეტად გაძლიერდება და უამრავი ადამიანის ყურადღებას მიიპყრობთ. ეს კი მოგცემთ შესაძლებლობას, საკუთარი თავი უკეთ გამოხატოთ, მიიღოთ ახალი, საინტერესო შეთავაზებები და ფინანსურადაც დაწინაურდეთ. ამ კვირაში ბევრი რამ, რაც გერთულებოდათ, მარტივად გამოგივათ.
ქალწული: დეტალებზე ყურადღების გამახვილება
ქალწულებმა ფრთხილად უნდა გადახედონ ფინანსურ დოკუმენტებს და თავი აარიდონ დაუფიქრებელ შესყიდვებსა და ხარჯებს. პატარა შეცდომამაც კი შესაძლოა, დიდი პრობლემა შეგიქმნათ. ამიტომ, თითოეულ გადაწყვეტილებასა და წინადადებას კარგად დააკვირდით, შედეგები წინასწარ შეაფასეთ და თქვენს გეგმას მიჰყევით. ასე სირთულეების თავიდან არიდებას მარტივად მოახერხებთ.
სასწორი: ფინანსების მიღების ახალი შესაძლებლობები
მიმდინარე კვირის განმავლობაში, ფინანსური თაღლითობისა და მანიპულაციის რისკი იზრდება. ამიტომ, ფრთხილად იყავით და ყველაფერს, რაც ფულთან და ფინანსებთან ურთიერთობას ეხება, კარგად დააკვირდით. გარდა ამისა, ეს კვირა გაძლევთ შანსს, რომ ახალ, დამატებით საქმეზე იმუშაოთ და საკუთარი თავი განავითაროთ. ნუ შეგეშინდებათ პასუხისმგებლობის აღების და ცვლილებებისთვის მზად იყავით.
მორიელი: ფინანსური ვალდებულებების დაფარვა
ეს კვირა გაძლევთ შესაძლებლობას, ფინანსური ვალდებულებები დაფაროთ და სტაბილურობა შეინარჩუნოთ. როგორც ასტროლოგები ამბობენ, მიმდინარე კვირა თქვენთვის ახალი შესაძლებლობების აღმოჩენის პერიოდი იქნება. შესაძლოა, ბევრმა თქვენგანმა ახალი პარტნიორობა და თანამშრომლობა განიხილოს, არსებული საქმის განვითარებაზე იფიქროს ან სრულიად ახალი თავგადასავალი დაიწყოს. ამისთვის საჭირო ენერგია და მოტივაცია ნამდვილად გექნებათ.
მშვილდოსანი: ახალი ნაცნობობა და პარტნიორობა
მშვილდოსნებს ამ კვირაში საინტერესო შეხვედრები და ნაცნობობა ელით. შესაძლოა, შეხვდეთ ადამიანს, რომელიც კარიერულ წინსვლასა და პროფესიულ განვითარებაში დაგეხმარებათ. მნიშვნელოვანია, რომ არ იჩქაროთ და თითოეულ შემოთავაზებასა და ინიციატივას ყურადღებით მოუსმინოთ, შემდეგ კი რისკები გააანალიზოთ და შესაბამისი გადაწყვეტილებები მიიღოთ.
თხის რქა: ილუზიების მსხვრევა
თხის რქის ნიშნის წარმომადგენლებს ემოციურად შედარებით რთული კვირა ელით. შესაძლოა, ემოციურმა არასტაბილურობამ კოლეგებთან, მენეჯმენტთან კომუნიკაციისას პრობლემები შეგიქმნათ და იმპულსური გადაწყვეტილებები მიიღოთ. ჯობს, ამ კვირაში ნაჩქარევი გადაწყვეტილებებისაგან თავი მაქსიმალურად შეიკავოთ. წინააღმდეგ შემთხვევაში, როდესაც ემოციური პერიოდი გაივლის და მოვლენებს რეალისტურად შეაფასებთ, შესაძლოა, გადაწყვეტილებით განსაკუთრებით უკმაყოფილო აღმოჩნდეთ.
მერწყული: გამოწვევები და ახალი პერსპექტივები
შესაძლოა, კოლეგებისაგან შური იგრძნოთ და ადამიანების რეალური სახე და განზრახვები აღმოაჩინოთ. ეს ემოციურად, ალბათ, ბევრისთვის რთული იქნება. მაგრამ, სიცხადისთვის აუცილებელია. შემოქმედებითი საქმიანობით დაკავებულ მერწყულებს მიმდინარე კვირის განმავლობაში ახალი შესაძლებლობები ელოდებათ. მნიშვნელოვანია, სიმტკიცე და შეუპოვრობა გამოავლინოთ და ცვლილებებზე უარი არ თქვათ.
თევზები: დამატებითი საქმის მიღების შესაძლებლობა
მიმდინარე კვირის განმავლობაში შესაძლოა, ბევრმა თქვენგანმა დამატებითი საქმე მიიღოს, ნახევარ განაკვეთზე მუშაობის შესაძლებლობა განიხილოს და შემოსავლის მიღების სხვა გზებზეც იფიქროს. ეს შესანიშნავი კვირაა იმისათვის, რომ საკუთარი თავი და შესაძლებლობები განსხვავებული მიმართულებით სცადოთ. თუმცა, როგორც ასტროლოგები ამბობენ, გადაღლისა და ემოციური ,,გადაწვის“ დიდი რისკიცაა. ამიტომ, კვირის განმავლობაში პერიოდულად დასვენებასა და განტვირთვას განსაკუთრებული ყურადღება დაუთმეთ.
ასევე დაგაინტერესებთ:
⭕20 ოქტომბრის ასტროპროგნოზი ჯანმრთელობა, სიყვარულისა და ბიზნესის მიმართულებით
წყარო: www.beaumonde.ge
